| Library / Tipiṭaka / តិបិដក • Tipiṭaka / ថេរីគាថាបាឡិ • Therīgāthāpāḷi |
៨. សោមាថេរីគាថា
8. Somātherīgāthā
៦០.
60.
‘‘យំ តំ ឥសីហិ បត្តព្ពំ, ឋានំ ទុរភិសម្ភវំ;
‘‘Yaṃ taṃ isīhi pattabbaṃ, ṭhānaṃ durabhisambhavaṃ;
ន តំ ទ្វង្គុលបញ្ញាយ, សក្កា បប្បោតុមិត្ថិយា’’។
Na taṃ dvaṅgulapaññāya, sakkā pappotumitthiyā’’.
៦១.
61.
‘‘ឥត្ថិភាវោ នោ កិំ កយិរា, ចិត្តម្ហិ សុសមាហិតេ;
‘‘Itthibhāvo no kiṃ kayirā, cittamhi susamāhite;
ញាណម្ហិ វត្តមានម្ហិ, សម្មា ធម្មំ វិបស្សតោ។
Ñāṇamhi vattamānamhi, sammā dhammaṃ vipassato.
៦២.
62.
‘‘សព្ពត្ថ វិហតា នន្ទី, តមោខន្ធោ បទាលិតោ;
‘‘Sabbattha vihatā nandī, tamokhandho padālito;
ឯវំ ជានាហិ បាបិម, និហតោ ត្វមសិ អន្តកា’’តិ។
Evaṃ jānāhi pāpima, nihato tvamasi antakā’’ti.
… សោមា ថេរី…។
… Somā therī….
តិកនិបាតោ និដ្ឋិតោ។
Tikanipāto niṭṭhito.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរីគាថា-អដ្ឋកថា • Therīgāthā-aṭṭhakathā / ៨. សោមាថេរីគាថាវណ្ណនា • 8. Somātherīgāthāvaṇṇanā
