| Library / Tipiṭaka / តិបិដក • Tipiṭaka / ថេរីគាថាបាឡិ • Therīgāthāpāḷi |
៤. ចតុក្កនិបាតោ
4. Catukkanipāto
១. ភទ្ទាកាបិលានីថេរីគាថា
1. Bhaddākāpilānītherīgāthā
៦៣.
63.
‘‘បុត្តោ ពុទ្ធស្ស ទាយាទោ, កស្សបោ សុសមាហិតោ;
‘‘Putto buddhassa dāyādo, kassapo susamāhito;
បុព្ពេនិវាសំ យោវេទិ, សគ្គាបាយញ្ច បស្សតិ។
Pubbenivāsaṃ yovedi, saggāpāyañca passati.
៦៤.
64.
‘‘អថោ ជាតិក្ខយំ បត្តោ, អភិញ្ញាវោសិតោ មុនិ;
‘‘Atho jātikkhayaṃ patto, abhiññāvosito muni;
ឯតាហិ តីហិ វិជ្ជាហិ, តេវិជ្ជោ ហោតិ ព្រាហ្មណោ។
Etāhi tīhi vijjāhi, tevijjo hoti brāhmaṇo.
៦៥.
65.
‘‘តថេវ ភទ្ទា កាបិលានី, តេវិជ្ជា មច្ចុហាយិនី;
‘‘Tatheva bhaddā kāpilānī, tevijjā maccuhāyinī;
ធារេតិ អន្តិមំ ទេហំ, ជេត្វា មារំ សវាហនំ។
Dhāreti antimaṃ dehaṃ, jetvā māraṃ savāhanaṃ.
៦៦.
66.
‘‘ទិស្វា អាទីនវំ លោកេ, ឧភោ បព្ពជិតា មយំ;
‘‘Disvā ādīnavaṃ loke, ubho pabbajitā mayaṃ;
ត្យម្ហ ខីណាសវា ទន្តា, សីតិភូតម្ហ និព្ពុតា’’តិ។
Tyamha khīṇāsavā dantā, sītibhūtamha nibbutā’’ti.
… ភទ្ទា កាបិលានី ថេរី…។
… Bhaddā kāpilānī therī….
ចតុក្កនិបាតោ និដ្ឋិតោ។
Catukkanipāto niṭṭhito.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរីគាថា-អដ្ឋកថា • Therīgāthā-aṭṭhakathā / ១. ភទ្ទាកាបិលានីថេរីគាថាវណ្ណនា • 1. Bhaddākāpilānītherīgāthāvaṇṇanā
