| Library / Tipiṭaka / តិបិដក • Tipiṭaka / ថេរីគាថាបាឡិ • Therīgāthāpāḷi |
៥. បញ្ចកនិបាតោ
5. Pañcakanipāto
១. អញ្ញតរាថេរីគាថា
1. Aññatarātherīgāthā
៦៧.
67.
‘‘បណ្ណវីសតិវស្សានិ , យតោ បព្ពជិតា អហំ;
‘‘Paṇṇavīsativassāni , yato pabbajitā ahaṃ;
នាច្ឆរាសង្ឃាតមត្តម្បិ, ចិត្តស្សូបសមជ្ឈគំ។
Nāccharāsaṅghātamattampi, cittassūpasamajjhagaṃ.
៦៨.
68.
‘‘អលទ្ធា ចេតសោ សន្តិំ, កាមរាគេនវស្សុតា;
‘‘Aladdhā cetaso santiṃ, kāmarāgenavassutā;
ពាហា បគ្គយ្ហ កន្ទន្តី, វិហារំ បាវិសិំ អហំ។
Bāhā paggayha kandantī, vihāraṃ pāvisiṃ ahaṃ.
៦៩.
69.
‘‘សា ភិក្ខុនិំ ឧបាគច្ឆិំ, យា មេ សទ្ធាយិកា អហុ;
‘‘Sā bhikkhuniṃ upāgacchiṃ, yā me saddhāyikā ahu;
សា មេ ធម្មមទេសេសិ, ខន្ធាយតនធាតុយោ។
Sā me dhammamadesesi, khandhāyatanadhātuyo.
៧០.
70.
‘‘តស្សា ធម្មំ សុណិត្វាន, ឯកមន្តេ ឧបាវិសិំ;
‘‘Tassā dhammaṃ suṇitvāna, ekamante upāvisiṃ;
បុព្ពេនិវាសំ ជានាមិ, ទិព្ពចក្ខុ វិសោធិតំ។
Pubbenivāsaṃ jānāmi, dibbacakkhu visodhitaṃ.
៧១.
71.
ឥទ្ធីបិ មេ សច្ឆិកតា, បត្តោ មេ អាសវក្ខយោ;
Iddhīpi me sacchikatā, patto me āsavakkhayo;
ឆឡភិញ្ញា 3 សច្ឆិកតា, កតំ ពុទ្ធស្ស សាសន’’ន្តិ។
Chaḷabhiññā 4 sacchikatā, kataṃ buddhassa sāsana’’nti.
… អញ្ញតរា ថេរី …។
… Aññatarā therī ….
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរីគាថា-អដ្ឋកថា • Therīgāthā-aṭṭhakathā / ១. អញ្ញតរាថេរីគាថាវណ្ណនា • 1. Aññatarātherīgāthāvaṇṇanā
