| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၂. သောမာသုတ္တဝဏ္ဏနာ
2. Somāsuttavaṇṇanā
၁၆၃. ဒုတိယေ ဌာနန္တိ အရဟတ္တံ။ ဒုရဘိသမ္ဘဝန္တိ ဒုပ္ပသဟံ။ ဒ္ဝင္ဂုလပညာယာတိ ပရိတ္တပညာယ။ ယသ္မာ ဝာ ဒ္ဝီဟိ အင္ဂုလေဟိ ကပ္ပာသဝဋ္ဋိံ ဂဟေတ္ဝာ သုတ္တံ ကန္တန္တိ, တသ္မာ ဣတ္ထီ ‘‘ဒ္ဝင္ဂုလပညာ’’တိ ဝုစ္စတိ။ ဉာဏမ္ဟိ ဝတ္တမာနမ္ဟီတိ ဖလသမာပတ္တိဉာဏေ ပဝတ္တမာနေ။ ဓမ္မံ ဝိပသ္သတောတိ စတုသစ္စဓမ္မံ ဝိပသ္သန္တသ္သ, ပုဗ္ဗဘာဂေ ဝာ ဝိပသ္သနာယ အာရမ္မဏဘူတံ ခန္ဓပဉ္စကမေဝ။ ကိဉ္စိ ဝာ ပန အညသ္မီတိ အညံ ဝာ ကိဉ္စိ ‘‘အဟံ အသ္မီ’’တိ တဏ္ဟာမာနဒိဋ္ဌိဝသေန ယသ္သ သိယာ။ ဒုတိယံ။
163. Dutiye ṭhānanti arahattaṃ. Durabhisambhavanti duppasahaṃ. Dvaṅgulapaññāyāti parittapaññāya. Yasmā vā dvīhi aṅgulehi kappāsavaṭṭiṃ gahetvā suttaṃ kantanti, tasmā itthī ‘‘dvaṅgulapaññā’’ti vuccati. Ñāṇamhi vattamānamhīti phalasamāpattiñāṇe pavattamāne. Dhammaṃ vipassatoti catusaccadhammaṃ vipassantassa, pubbabhāge vā vipassanāya ārammaṇabhūtaṃ khandhapañcakameva. Kiñci vā pana aññasmīti aññaṃ vā kiñci ‘‘ahaṃ asmī’’ti taṇhāmānadiṭṭhivasena yassa siyā. Dutiyaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. သောမာသုတ္တံ • 2. Somāsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂. သောမာသုတ္တဝဏ္ဏနာ • 2. Somāsuttavaṇṇanā
