| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৩৭৭. সেতকেতুজাতকং (৬-১-২)
377. Setaketujātakaṃ (6-1-2)
৮.
8.
মা তাত কুজ্ঝি ন হি সাধু কোধো, বহুম্পি তে অদিট্ঠমস্সুতঞ্চ।
Mā tāta kujjhi na hi sādhu kodho, bahumpi te adiṭṭhamassutañca;
মাতা পিতা দিসতা 1 সেতকেতু, আচরিযমাহু দিসতং পসত্থা॥
Mātā pitā disatā 2 setaketu, ācariyamāhu disataṃ pasatthā.
৯.
9.
অগারিনো অন্নদপানৰত্থদা 3, অৰ্হাযিকা তম্পি দিসং ৰদন্তি।
Agārino annadapānavatthadā 4, avhāyikā tampi disaṃ vadanti;
এসা দিসা পরমা সেতকেতু, যং পত্ৰা দুক্খী সুখিনো ভৰন্তি॥
Esā disā paramā setaketu, yaṃ patvā dukkhī sukhino bhavanti.
১০.
10.
খরাজিনা জটিলা পঙ্কদন্তা, দুম্মক্খরূপা 5 যেমে জপ্পন্তি মন্তে।
Kharājinā jaṭilā paṅkadantā, dummakkharūpā 6 yeme jappanti mante;
কচ্চি নু তে মানুসকে পযোগে, ইদং ৰিদূ পরিমুত্তা অপাযা॥
Kacci nu te mānusake payoge, idaṃ vidū parimuttā apāyā.
১১.
11.
পাপানি কম্মানি কত্ৰান রাজ, বহুস্সুতো চে ন 7 চরেয্য ধম্মং।
Pāpāni kammāni katvāna rāja, bahussuto ce na 8 careyya dhammaṃ;
সহস্সৰেদোপি ন তং পটিচ্চ, দুক্খা পমুঞ্চে চরণং অপত্ৰা॥
Sahassavedopi na taṃ paṭicca, dukkhā pamuñce caraṇaṃ apatvā.
১২.
12.
সহস্সৰেদোপি ন তং পটিচ্চ, দুক্খা পমুঞ্চে চরণং অপত্ৰা।
Sahassavedopi na taṃ paṭicca, dukkhā pamuñce caraṇaṃ apatvā;
মঞ্ঞামি ৰেদা অফলা ভৰন্তি, সসংযমং চরণমেৰ 9 সচ্চং॥
Maññāmi vedā aphalā bhavanti, sasaṃyamaṃ caraṇameva 10 saccaṃ.
১৩.
13.
ন হেৰ ৰেদা অফলা ভৰন্তি, সসংযমং চরণমেৰ সচ্চং।
Na heva vedā aphalā bhavanti, sasaṃyamaṃ caraṇameva saccaṃ;
কিত্তিঞ্হি পপ্পোতি অধিচ্চ ৰেদে, সন্তিং পুণেতি 11 চরণেন দন্তোতি॥
Kittiñhi pappoti adhicca vede, santiṃ puṇeti 12 caraṇena dantoti.
সেতকেতুজাতকং দুতিযং।
Setaketujātakaṃ dutiyaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৩৭৭] ২. সেতকেতুজাতকৰণ্ণনা • [377] 2. Setaketujātakavaṇṇanā
