| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৩৭৮. দরীমুখজাতকং (৬-১-৩)
378. Darīmukhajātakaṃ (6-1-3)
১৪.
14.
পঙ্কো চ কামা পলিপো চ কামা, ভযঞ্চ মেতং তিমূলং পৰুত্তং।
Paṅko ca kāmā palipo ca kāmā, bhayañca metaṃ timūlaṃ pavuttaṃ;
রজো চ ধূমো চ মযা পকাসিতা, হিত্ৰা তুৰং পব্বজ ব্রহ্মদত্ত॥
Rajo ca dhūmo ca mayā pakāsitā, hitvā tuvaṃ pabbaja brahmadatta.
১৫.
15.
গধিতো 1 চ রত্তো চ অধিমুচ্ছিতো চ, কামেস্ৰহং ব্রাহ্মণ ভিংসরূপং।
Gadhito 2 ca ratto ca adhimucchito ca, kāmesvahaṃ brāhmaṇa bhiṃsarūpaṃ;
তং নুস্সহে জীৰিকত্থো পহাতুং, কাহামি পুঞ্ঞানি অনপ্পকানি॥
Taṃ nussahe jīvikattho pahātuṃ, kāhāmi puññāni anappakāni.
১৬.
16.
যো অত্থকামস্স হিতানুকম্পিনো, ওৰজ্জমানো ন করোতি সাসনং।
Yo atthakāmassa hitānukampino, ovajjamāno na karoti sāsanaṃ;
ইদমেৰ সেয্যো ইতি মঞ্ঞমানো, পুনপ্পুনং গব্ভমুপেতি মন্দো॥
Idameva seyyo iti maññamāno, punappunaṃ gabbhamupeti mando.
১৭.
17.
সো ঘোররূপং নিরযং উপেতি, সুভাসুভং মুত্তকরীসপূরং।
So ghorarūpaṃ nirayaṃ upeti, subhāsubhaṃ muttakarīsapūraṃ;
সত্তা সকাযে ন জহন্তি গিদ্ধা, যে হোন্তি কামেসু অৰীতরাগা॥
Sattā sakāye na jahanti giddhā, ye honti kāmesu avītarāgā.
১৮.
18.
মীল়্হেন লিত্তা রুহিরেন মক্খিতা, সেম্হেন লিত্তা উপনিক্খমন্তি।
Mīḷhena littā ruhirena makkhitā, semhena littā upanikkhamanti;
যং যঞ্হি কাযেন ফুসন্তি তাৰদে, সব্বং অসাতং দুখমেৰ কেৰলং॥
Yaṃ yañhi kāyena phusanti tāvade, sabbaṃ asātaṃ dukhameva kevalaṃ.
১৯.
19.
দিস্ৰা ৰদামি ন হি অঞ্ঞতো সৰং, পুব্বেনিৰাসং বহুকং সরামি।
Disvā vadāmi na hi aññato savaṃ, pubbenivāsaṃ bahukaṃ sarāmi;
চিত্রাহি গাথাহি সুভাসিতাহি, দরীমুখো নিজ্ঝাপযি সুমেধন্তি॥
Citrāhi gāthāhi subhāsitāhi, darīmukho nijjhāpayi sumedhanti.
দরীমুখজাতকং ততিযং।
Darīmukhajātakaṃ tatiyaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৩৭৮] ৩. দরীমুখজাতকৰণ্ণনা • [378] 3. Darīmukhajātakavaṇṇanā
