| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣. សយនទាយកត្ថេរអបទានំ
3. Sayanadāyakattheraapadānaṃ
២០.
20.
‘‘បទុមុត្តរពុទ្ធស្ស, សព្ពលោកានុកម្បិនោ;
‘‘Padumuttarabuddhassa, sabbalokānukampino;
សយនំ តស្ស បាទាសិំ, វិប្បសន្នេន ចេតសា។
Sayanaṃ tassa pādāsiṃ, vippasannena cetasā.
២១.
21.
‘‘តេន សយនទានេន, សុខេត្តេ ពីជសម្បទា;
‘‘Tena sayanadānena, sukhette bījasampadā;
ភោគា និព្ពត្តរេ តស្ស, សយនស្ស ឥទំ ផលំ។
Bhogā nibbattare tassa, sayanassa idaṃ phalaṃ.
២២.
22.
‘‘អាកាសេ សេយ្យំ កប្បេមិ, ធារេមិ បថវិំ ឥមំ;
‘‘Ākāse seyyaṃ kappemi, dhāremi pathaviṃ imaṃ;
បាណេសុ មេ ឥស្សរិយំ, សយនស្ស ឥទំ ផលំ។
Pāṇesu me issariyaṃ, sayanassa idaṃ phalaṃ.
២៣.
23.
ចតុត្តិំសេ កប្បសតេ, ចតុរោ ច មហព្ពលា។
Catuttiṃse kappasate, caturo ca mahabbalā.
២៤.
24.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សយនទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā sayanadāyako thero imā gāthāyo abhāsitthāti.
សយនទាយកត្ថេរស្សាបទានំ តតិយំ។
Sayanadāyakattherassāpadānaṃ tatiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៣. សយនទាយកត្ថេរអបទានវណ្ណនា • 3. Sayanadāyakattheraapadānavaṇṇanā
