| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၉. သတ္ထာရဝန္ဒနာသုတ္တဝဏ္ဏနာ
9. Satthāravandanāsuttavaṇṇanā
၂၆၅. နဝမေ ဘဂဝန္တံ နမသ္သတီတိ ဧကံသံ ဥတ္တရိယံ ဒုကုလံ ကတ္ဝာ, ဗ္ရဟ္မဇာဏုကော ဟုတ္ဝာ သိရသိ အဉ္ဇလိံ ဌပေတ္ဝာ နမသ္သတိ။ သော ယက္ခောတိ သော သက္ကော။ အနောမနာမန္တိ သဗ္ဗဂုဏေဟိ ဩမကဘာဝသ္သ နတ္ထိတာယ သဗ္ဗဂုဏနေမိတ္တကေဟိ နာမေဟိ အနောမနာမံ။ အဝိဇ္ဇာသမတိက္ကမာတိ စတုသစ္စပဋိစ္ဆာဒိကာယ ဝဋ္ဋမူလကအဝိဇ္ဇာယ သမတိက္ကမေန။ သေက္ခာတိ သတ္တ သေက္ခာ။ အပစယာရာမာတိ ဝဋ္ဋဝိဒ္ဓံသနေ ရတာ။ သိက္ခရေတိ သိက္ခန္တိ။ နဝမံ။
265. Navame bhagavantaṃ namassatīti ekaṃsaṃ uttariyaṃ dukulaṃ katvā, brahmajāṇuko hutvā sirasi añjaliṃ ṭhapetvā namassati. So yakkhoti so sakko. Anomanāmanti sabbaguṇehi omakabhāvassa natthitāya sabbaguṇanemittakehi nāmehi anomanāmaṃ. Avijjāsamatikkamāti catusaccapaṭicchādikāya vaṭṭamūlakaavijjāya samatikkamena. Sekkhāti satta sekkhā. Apacayārāmāti vaṭṭaviddhaṃsane ratā. Sikkhareti sikkhanti. Navamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၉. သတ္ထာရဝန္ဒနာသုတ္တံ • 9. Satthāravandanāsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၉. သတ္ထာရဝန္ဒနာသုတ္တဝဏ္ဏနာ • 9. Satthāravandanāsuttavaṇṇanā
