| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
(১৮) ৩. উপাসকৰগ্গো
(18) 3. Upāsakavaggo
১-৬. সারজ্জসুত্তাদিৰণ্ণনা
1-6. Sārajjasuttādivaṇṇanā
১৭১-১৭৬. ততিযস্স পঠমদুতিযততিযচতুত্থে নত্থি ৰত্তব্বং। পঞ্চমে উপাসকপচ্ছিমকোতি উপাসকনিহীনো। ‘‘ইমিনা দিট্ঠাদিনা ইদং নাম মঙ্গলং ভৰিস্সতী’’তি এৰং বালজনপরিকপ্পিতকোতূহলসঙ্খাতেন দিট্ঠসুতমুতমঙ্গলেন সমন্নাগতো কোতূহলমঙ্গলিকো। তেনাহ ‘‘ইমিনা ইদং ভৰিস্সতী’’তিআদি। মঙ্গলং পচ্চেতীতি দিট্ঠমঙ্গলাদিভেদং মঙ্গলমেৰ পত্থিযাযতি। নো কম্মন্তি কম্মস্সকতং নো পত্থিযাযতি। ইমম্হা সাসনাতি ইতো সব্বঞ্ঞুবুদ্ধসাসনতো। বহিদ্ধাতি বাহিরকসমযে। দক্খিণেয্যং পরিযেসতীতি ‘‘দুপ্পটিপন্না দক্খিণেয্যা’’তি সঞ্ঞী গৰেসতি। এত্থ দক্খিণপরিযেসনপুব্বকারে একং কত্ৰা পঞ্চ ধম্মা ৰেদিতব্বা। ছট্ঠং উত্তানমেৰ।
171-176. Tatiyassa paṭhamadutiyatatiyacatutthe natthi vattabbaṃ. Pañcame upāsakapacchimakoti upāsakanihīno. ‘‘Iminā diṭṭhādinā idaṃ nāma maṅgalaṃ bhavissatī’’ti evaṃ bālajanaparikappitakotūhalasaṅkhātena diṭṭhasutamutamaṅgalena samannāgato kotūhalamaṅgaliko. Tenāha ‘‘iminā idaṃ bhavissatī’’tiādi. Maṅgalaṃ paccetīti diṭṭhamaṅgalādibhedaṃ maṅgalameva patthiyāyati. No kammanti kammassakataṃ no patthiyāyati. Imamhā sāsanāti ito sabbaññubuddhasāsanato. Bahiddhāti bāhirakasamaye. Dakkhiṇeyyaṃ pariyesatīti ‘‘duppaṭipannā dakkhiṇeyyā’’ti saññī gavesati. Ettha dakkhiṇapariyesanapubbakāre ekaṃ katvā pañca dhammā veditabbā. Chaṭṭhaṃ uttānameva.
সারজ্জসুত্তাদিৰণ্ণনা নিট্ঠিতা।
Sārajjasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
১. সারজ্জসুত্তং • 1. Sārajjasuttaṃ
২. ৰিসারদসুত্তং • 2. Visāradasuttaṃ
৩. নিরযসুত্তং • 3. Nirayasuttaṃ
৪. ৰেরসুত্তং • 4. Verasuttaṃ
৫. চণ্ডালসুত্তং • 5. Caṇḍālasuttaṃ
৬. পীতিসুত্তং • 6. Pītisuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
১-৩. সারজ্জসুত্তাদিৰণ্ণনা • 1-3. Sārajjasuttādivaṇṇanā
৪. ৰেরসুত্তৰণ্ণনা • 4. Verasuttavaṇṇanā
৫. চণ্ডালসুত্তৰণ্ণনা • 5. Caṇḍālasuttavaṇṇanā
৬. পীতিসুত্তৰণ্ণনা • 6. Pītisuttavaṇṇanā
