| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
২. ৰিসারদসুত্তং
2. Visāradasuttaṃ
১৭২. ‘‘পঞ্চহি, ভিক্খৰে, ধম্মেহি সমন্নাগতো উপাসকো অৰিসারদো অগারং অজ্ঝাৰসতি। কতমেহি পঞ্চহি? পাণাতিপাতী হোতি…পে॰… সুরামেরযমজ্জপমাদট্ঠাযী হোতি। ইমেহি খো, ভিক্খৰে, পঞ্চহি ধম্মেহি সমন্নাগতো উপাসকো অৰিসারদো অগারং অজ্ঝাৰসতি।
172. ‘‘Pañcahi, bhikkhave, dhammehi samannāgato upāsako avisārado agāraṃ ajjhāvasati. Katamehi pañcahi? Pāṇātipātī hoti…pe… surāmerayamajjapamādaṭṭhāyī hoti. Imehi kho, bhikkhave, pañcahi dhammehi samannāgato upāsako avisārado agāraṃ ajjhāvasati.
‘‘পঞ্চহি, ভিক্খৰে, ধম্মেহি সমন্নাগতো উপাসকো ৰিসারদো অগারং অজ্ঝাৰসতি। কতমেহি পঞ্চহি? পাণাতিপাতা পটিৰিরতো হোতি…পে॰… সুরামেরযমজ্জপমাদট্ঠানা পটিৰিরতো হোতি। ইমেহি খো, ভিক্খৰে, পঞ্চহি ধম্মেহি সমন্নাগতো উপাসকো ৰিসারদো অগারং অজ্ঝাৰসতী’’তি। দুতিযং।
‘‘Pañcahi, bhikkhave, dhammehi samannāgato upāsako visārado agāraṃ ajjhāvasati. Katamehi pañcahi? Pāṇātipātā paṭivirato hoti…pe… surāmerayamajjapamādaṭṭhānā paṭivirato hoti. Imehi kho, bhikkhave, pañcahi dhammehi samannāgato upāsako visārado agāraṃ ajjhāvasatī’’ti. Dutiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১-৩. সারজ্জসুত্তাদিৰণ্ণনা • 1-3. Sārajjasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৬. সারজ্জসুত্তাদিৰণ্ণনা • 1-6. Sārajjasuttādivaṇṇanā
