| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៤. សបរិវារិយត្ថេរអបទានំ
4. Saparivāriyattheraapadānaṃ
១៥.
15.
‘‘បទុមុត្តរោ នាម ជិនោ, លោកជេដ្ឋោ នរាសភោ;
‘‘Padumuttaro nāma jino, lokajeṭṭho narāsabho;
ជលិត្វា អគ្គិក្ខន្ធោវ, សម្ពុទ្ធោ បរិនិព្ពុតោ។
Jalitvā aggikkhandhova, sambuddho parinibbuto.
១៦.
16.
‘‘និព្ពុតេ ច មហាវីរេ, ថូបោ វិត្ថារិកោ អហុ;
‘‘Nibbute ca mahāvīre, thūpo vitthāriko ahu;
១៧.
17.
‘‘បសន្នចិត្តោ សុមនោ, អកំ ចន្ទនវេទិកំ;
‘‘Pasannacitto sumano, akaṃ candanavedikaṃ;
១៨.
18.
‘‘ភវេ និព្ពត្តមានម្ហិ, ទេវត្តេ អថ មានុសេ;
‘‘Bhave nibbattamānamhi, devatte atha mānuse;
ឱមត្តំ មេ ន បស្សាមិ, បុព្ពកម្មស្សិទំ ផលំ។
Omattaṃ me na passāmi, pubbakammassidaṃ phalaṃ.
១៩.
19.
‘‘បញ្ចទសកប្បសតេ , ឥតោ អដ្ឋ ជនា អហុំ;
‘‘Pañcadasakappasate , ito aṭṭha janā ahuṃ;
សព្ពេ សមត្តនាមា តេ, ចក្កវត្តី មហព្ពលា។
Sabbe samattanāmā te, cakkavattī mahabbalā.
២០.
20.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សបរិវារិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā saparivāriyo thero imā gāthāyo abhāsitthāti.
សបរិវារិយត្ថេរស្សាបទានំ ចតុត្ថំ។
Saparivāriyattherassāpadānaṃ catutthaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៤. សបរិវារិយត្ថេរអបទានវណ្ណនា • 4. Saparivāriyattheraapadānavaṇṇanā
