| Library / Tipiṭaka / តិបិដក • Tipiṭaka / អបទាន-អដ្ឋកថា • Apadāna-aṭṭhakathā |
៤. សបរិវារិយត្ថេរអបទានវណ្ណនា
4. Saparivāriyattheraapadānavaṇṇanā
បទុមុត្តរោ នាម ជិនោតិអាទិកំ អាយស្មតោ សបរិវារិយត្ថេរស្ស អបទានំ។ អយម្បិ បុរិមពុទ្ធេសុ កតាធិការោ អនេកាសុ ជាតីសុ វិវដ្ដូបនិស្សយានិ បុញ្ញានិ ឧបចិនន្តោ បទុមុត្តរស្ស ភគវតោ កាលេ កុលគេហេ និព្ពត្តោ វិញ្ញុតំ បត្តោ មហទ្ធនោ មហាភោគោ អហោសិ។ អថ បទុមុត្តរេ ភគវតិ បរិនិព្ពុតេ មហាជនោ តស្ស ធាតុំ និទហិត្វា មហន្តំ ចេតិយំ ការេត្វា បូជេសិ។ តស្មិំ កាលេ អយំ ឧបាសកោ តស្សុបរិ ចន្ទនសារេន ចេតិយឃរំ ករិត្វា មហាបូជំ អកាសិ។ សោ តេនេវ បុញ្ញេន ទេវមនុស្សេសុ សំសរន្តោ ឧភយសម្បត្តិយោ អនុភវិត្វា ឥមស្មិំ ពុទ្ធុប្បាទេ ឯកស្មិំ កុលគេហេ និព្ពត្តោ វុទ្ធិមន្វាយ កុសលំ កត្វា សទ្ធាយ សាសនេ បព្ពជិត្វា នចិរស្សេវ អរហា អហោសិ។
Padumuttaro nāma jinotiādikaṃ āyasmato saparivāriyattherassa apadānaṃ. Ayampi purimabuddhesu katādhikāro anekāsu jātīsu vivaṭṭūpanissayāni puññāni upacinanto padumuttarassa bhagavato kāle kulagehe nibbatto viññutaṃ patto mahaddhano mahābhogo ahosi. Atha padumuttare bhagavati parinibbute mahājano tassa dhātuṃ nidahitvā mahantaṃ cetiyaṃ kāretvā pūjesi. Tasmiṃ kāle ayaṃ upāsako tassupari candanasārena cetiyagharaṃ karitvā mahāpūjaṃ akāsi. So teneva puññena devamanussesu saṃsaranto ubhayasampattiyo anubhavitvā imasmiṃ buddhuppāde ekasmiṃ kulagehe nibbatto vuddhimanvāya kusalaṃ katvā saddhāya sāsane pabbajitvā nacirasseva arahā ahosi.
១៥-៨. សោ អបរភាគេ អត្តនោ បុព្ពកម្មំ សរិត្វា សោមនស្សជាតោ បុព្ពចរិតាបទានំ បកាសេន្តោ បទុមុត្តរោ នាម ជិនោតិអាទិមាហ។ តត្ថ ឱមត្តន្តិ លាមកភាវំ នីចភាវំ ទុក្ខិតភាវំ វា ន បស្សាមិ ន ជានាមិ, ន ទិដ្ឋបុព្ពោ មយា នីចភាវោតិ អត្ថោ។ សេសំ បាកដមេវាតិ។
15-8. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Tattha omattanti lāmakabhāvaṃ nīcabhāvaṃ dukkhitabhāvaṃ vā na passāmi na jānāmi, na diṭṭhapubbo mayā nīcabhāvoti attho. Sesaṃ pākaṭamevāti.
សបរិវារិយត្ថេរអបទានវណ្ណនា សមត្តា។
Saparivāriyattheraapadānavaṇṇanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / អបទានបាឡិ • Apadānapāḷi / ៤. សបរិវារិយត្ថេរអបទានំ • 4. Saparivāriyattheraapadānaṃ
