| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៦. សបរិវារាសនត្ថេរអបទានំ
6. Saparivārāsanattheraapadānaṃ
៤៣.
43.
‘‘បទុមុត្តរពុទ្ធស្ស, បិណ្ឌបាតំ អទាសហំ;
‘‘Padumuttarabuddhassa, piṇḍapātaṃ adāsahaṃ;
៤៤.
44.
‘‘តម្ហាសនម្ហិ អាសីនោ, ពុទ្ធោ លោកគ្គនាយកោ;
‘‘Tamhāsanamhi āsīno, buddho lokagganāyako;
អកិត្តយិ បិណ្ឌបាតំ, ឧជុភូតោ សមាហិតោ។
Akittayi piṇḍapātaṃ, ujubhūto samāhito.
៤៥.
45.
‘‘យថាបិ ភទ្ទកេ ខេត្តេ, ពីជំ អប្បម្បិ រោបិតំ;
‘‘Yathāpi bhaddake khette, bījaṃ appampi ropitaṃ;
សម្មា ធារំ បវេច្ឆន្តេ, ផលំ តោសេតិ កស្សកំ។
Sammā dhāraṃ pavecchante, phalaṃ toseti kassakaṃ.
៤៦.
46.
‘‘តថេវាយំ បិណ្ឌបាតោ, សុខេត្តេ រោបិតោ តយា;
‘‘Tathevāyaṃ piṇḍapāto, sukhette ropito tayā;
៤៧.
47.
‘‘ឥទំ វត្វាន សម្ពុទ្ធោ, ជលជុត្តមនាមកោ;
‘‘Idaṃ vatvāna sambuddho, jalajuttamanāmako;
បិណ្ឌបាតំ គហេត្វាន, បក្កាមិ ឧត្តរាមុខោ។
Piṇḍapātaṃ gahetvāna, pakkāmi uttarāmukho.
៤៨.
48.
‘‘សំវុតោ បាតិមោក្ខស្មិំ, ឥន្ទ្រិយេសុ ច បញ្ចសុ;
‘‘Saṃvuto pātimokkhasmiṃ, indriyesu ca pañcasu;
បវិវេកមនុយុត្តោ, វិហរាមិ អនាសវោ។
Pavivekamanuyutto, viharāmi anāsavo.
៤៩.
49.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សបរិវារាសនោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā saparivārāsano thero imā gāthāyo abhāsitthāti.
សបរិវារាសនត្ថេរស្សាបទានំ ឆដ្ឋំ។
Saparivārāsanattherassāpadānaṃ chaṭṭhaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៦. សបរិវារាសនត្ថេរអបទានវណ្ណនា • 6. Saparivārāsanattheraapadānavaṇṇanā
