| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៧. បញ្ចទីបកត្ថេរអបទានំ
7. Pañcadīpakattheraapadānaṃ
៥០.
50.
‘‘បទុមុត្តរពុទ្ធស្ស, សព្ពភូតានុកម្បិនោ;
‘‘Padumuttarabuddhassa, sabbabhūtānukampino;
៥១.
51.
‘‘បទីបទានំ បាទាសិំ, បរិវារេត្វាន ពោធិយំ;
‘‘Padīpadānaṃ pādāsiṃ, parivāretvāna bodhiyaṃ;
សទ្ទហន្តោ បទីបានិ, អករិំ តាវទេ អហំ។
Saddahanto padīpāni, akariṃ tāvade ahaṃ.
៥២.
52.
‘‘យំ យំ យោនុបបជ្ជាមិ, ទេវត្តំ អថ មានុសំ;
‘‘Yaṃ yaṃ yonupapajjāmi, devattaṃ atha mānusaṃ;
អាកាសេ ឧក្កំ ធារេន្តិ, ទីបទានស្សិទំ ផលំ។
Ākāse ukkaṃ dhārenti, dīpadānassidaṃ phalaṃ.
៥៣.
53.
‘‘តិរោកុដ្ដំ តិរោសេលំ, សមតិគ្គយ្ហ បព្ពតំ;
‘‘Tirokuṭṭaṃ tiroselaṃ, samatiggayha pabbataṃ;
សមន្តា យោជនសតំ, ទស្សនំ អនុភោមហំ។
Samantā yojanasataṃ, dassanaṃ anubhomahaṃ.
៥៤.
54.
‘‘តេន កម្មាវសេសេន, បត្តោម្ហិ អាសវក្ខយំ;
‘‘Tena kammāvasesena, pattomhi āsavakkhayaṃ;
ធារេមិ អន្តិមំ ទេហំ, ទ្វិបទិន្ទស្ស សាសនេ។
Dhāremi antimaṃ dehaṃ, dvipadindassa sāsane.
៥៥.
55.
‘‘ចតុត្តិំសេ កប្បសតេ, សតចក្ខុសនាមកា;
‘‘Catuttiṃse kappasate, satacakkhusanāmakā;
រាជាហេសុំ មហាតេជា, ចក្កវត្តី មហព្ពលា។
Rājāhesuṃ mahātejā, cakkavattī mahabbalā.
៥៦.
56.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បញ្ចទីបកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā pañcadīpako thero imā gāthāyo abhāsitthāti.
បញ្ចទីបកត្ថេរស្សាបទានំ សត្តមំ។
Pañcadīpakattherassāpadānaṃ sattamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៧. បញ្ចទីបកត្ថេរអបទានវណ្ណនា • 7. Pañcadīpakattheraapadānavaṇṇanā
