| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৩. সঞ্ঞোজনকথাৰণ্ণনা
3. Saññojanakathāvaṇṇanā
৮৮১-৮৮২. ইদানি সঞ্ঞোজনকথা নাম হোতি। তত্থ যস্মা অরহা সব্বং বুদ্ধৰিসযং ন জানাতি, তস্মা তস্স তত্থ অৰিজ্জাৰিচিকিচ্ছাহি অপ্পহীনাহি ভৰিতব্বন্তি সঞ্ঞায ‘‘অত্থি কিঞ্চি সঞ্ঞোজনং অপ্পহায অরহত্তপ্পত্তী’’তি যেসং লদ্ধি, সেয্যথাপি মহাসঙ্ঘিকানং, তে সন্ধায পুচ্ছা সকৰাদিস্স, পটিঞ্ঞা ইতরস্স। অত্থি কিঞ্চি সক্কাযদিট্ঠীতিআদি অরহতো সব্বসংযোজনপ্পহানদস্সনত্থং ৰুত্তং। সব্বং বুদ্ধৰিসযন্তি পঞ্হদ্ৰযে অরহতো সব্বঞ্ঞুতঞ্ঞাণাভাৰেন পটিসেধো কতো, ন অৰিজ্জাৰিচিকিচ্ছানং অপ্পহানেন। ইতরো পন তেসং অপ্পহীনতং সন্ধায তেন হীতি লদ্ধিং পতিট্ঠপেতি। সা অযোনিসো পতিট্ঠাপিতত্তা অপ্পতিট্ঠিতাৰ হোতীতি।
881-882. Idāni saññojanakathā nāma hoti. Tattha yasmā arahā sabbaṃ buddhavisayaṃ na jānāti, tasmā tassa tattha avijjāvicikicchāhi appahīnāhi bhavitabbanti saññāya ‘‘atthi kiñci saññojanaṃ appahāya arahattappattī’’ti yesaṃ laddhi, seyyathāpi mahāsaṅghikānaṃ, te sandhāya pucchā sakavādissa, paṭiññā itarassa. Atthi kiñci sakkāyadiṭṭhītiādi arahato sabbasaṃyojanappahānadassanatthaṃ vuttaṃ. Sabbaṃ buddhavisayanti pañhadvaye arahato sabbaññutaññāṇābhāvena paṭisedho kato, na avijjāvicikicchānaṃ appahānena. Itaro pana tesaṃ appahīnataṃ sandhāya tena hīti laddhiṃ patiṭṭhapeti. Sā ayoniso patiṭṭhāpitattā appatiṭṭhitāva hotīti.
সঞ্ঞোজনকথাৰণ্ণনা।
Saññojanakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (২০২) ৩. সংযোজনকথা • (202) 3. Saṃyojanakathā
