| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
ஸமத²ஸம்முகா²வினயவாராதி³வண்ணனா
Samathasammukhāvinayavārādivaṇṇanā
301-3. ஏகாத³ஸமவாரேபி ஸம்முகா²வினயோதிஆதி³ புச்சா². யேபு⁴ய்யஸிகா ஸதிவினயோதிஆதி³ விஸஜ்ஜனங். ஏவங் வினயவாரே குஸல-வாரே ததோ பரேஸுபி புச்சா²விஸஜ்ஜனபரிச்சே²தோ³ வேதி³தப்³போ³.
301-3. Ekādasamavārepi sammukhāvinayotiādi pucchā. Yebhuyyasikā sativinayotiādi visajjanaṃ. Evaṃ vinayavāre kusala-vāre tato paresupi pucchāvisajjanaparicchedo veditabbo.
தத்த² ஸம்முகா²வினயோ ஸியா குஸலோதிஆதீ³ஸு தஸ்மிங் தஸ்மிங் வினயகம்மே, விவாதா³தி³ம்ஹி ச நியுத்தபுக்³க³லானங் ஸமுப்பஜ்ஜனககுஸலாதீ³னங் வஸேன ஸம்முகா²வினயாதீ³னங், விவாதா³தீ³னஞ்ச குஸலாதி³பா⁴வோ தேன தேன உபசாரேன வுத்தோ. யஸ்மா பனேதஸ்ஸ ஸம்முகா²வினயோ நாம ஸங்க⁴ஸம்முக²தாத³யோ ஹொந்தி, தேஸஞ்ச அனவஜ்ஜஸபா⁴வத்தா அகுஸலே விஜ்ஜமானேபி அகுஸலத்தூபசாரோ ந யுத்தோ ஆபத்தாதி⁴கரணஸ்ஸ அகுஸலத்தூபசாரோ விய, தஸ்மா நத்தி² ஸம்முகா²வினயோ அகுஸலோதி அத்தோ².
Tattha sammukhāvinayo siyā kusalotiādīsu tasmiṃ tasmiṃ vinayakamme, vivādādimhi ca niyuttapuggalānaṃ samuppajjanakakusalādīnaṃ vasena sammukhāvinayādīnaṃ, vivādādīnañca kusalādibhāvo tena tena upacārena vutto. Yasmā panetassa sammukhāvinayo nāma saṅghasammukhatādayo honti, tesañca anavajjasabhāvattā akusale vijjamānepi akusalattūpacāro na yutto āpattādhikaraṇassa akusalattūpacāro viya, tasmā natthi sammukhāvinayo akusaloti attho.
304. ததோ பரேஸு யத்த² யேபு⁴ய்யஸிகா லப்³ப⁴தி, தத்த² ஸம்முகா²வினயோ லப்³ப⁴தீதிஆதி³ ஸம்முகா²வினயஸ்ஸ இதரேஹி ஸமதே²ஹி நியமேன ஸங்ஸட்ட²தங், இதரேஸங் பன ச²ன்னங் அஞ்ஞமஞ்ஞங் ஸங்ஸக்³கா³பா⁴வஞ்ச த³ஸ்ஸேதுங் வுத்தங்.
304. Tato paresu yattha yebhuyyasikā labbhati, tattha sammukhāvinayo labbhatītiādi sammukhāvinayassa itarehi samathehi niyamena saṃsaṭṭhataṃ, itaresaṃ pana channaṃ aññamaññaṃ saṃsaggābhāvañca dassetuṃ vuttaṃ.
ஸமத²ஸம்முகா²வினயவாராதி³வண்ணனா நிட்டி²தா.
Samathasammukhāvinayavārādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi
11. ஸமத²ஸம்முகா²வினயவாரோ • 11. Samathasammukhāvinayavāro
12. வினயவாரோ • 12. Vinayavāro
13. குஸலவாரோ • 13. Kusalavāro
14. யத்த²வாரோ, புச்சா²வாரோ • 14. Yatthavāro, pucchāvāro
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā
வினயவாரகதா²வண்ணனா • Vinayavārakathāvaṇṇanā
குஸலவாரகதா²வண்ணனா • Kusalavārakathāvaṇṇanā
ஸமத²வாரவிஸ்ஸஜ்ஜனாவாரகதா²வண்ணனா • Samathavāravissajjanāvārakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā
அதி⁴கரணபரியாயவாராதி³வண்ணனா • Adhikaraṇapariyāyavārādivaṇṇanā
யத்த²வாரபுச்சா²வாரவண்ணனா • Yatthavārapucchāvāravaṇṇanā
