| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៤៧. សាលកុសុមិយវគ្គោ
47. Sālakusumiyavaggo
១. សាលកុសុមិយត្ថេរអបទានំ
1. Sālakusumiyattheraapadānaṃ
១.
1.
‘‘បរិនិព្ពុតេ ភគវតិ, ជលជុត្តមនាមកេ;
‘‘Parinibbute bhagavati, jalajuttamanāmake;
អារោបិតម្ហិ ចិតកេ, សាលបុប្ផមបូជយិំ។
Āropitamhi citake, sālapupphamapūjayiṃ.
២.
2.
៣.
3.
‘‘កិលេសា ឈាបិតា មយ្ហំ, ភវា សព្ពេ សមូហតា;
‘‘Kilesā jhāpitā mayhaṃ, bhavā sabbe samūhatā;
នាគោវ ពន្ធនំ ឆេត្វា, វិហរាមិ អនាសវោ។
Nāgova bandhanaṃ chetvā, viharāmi anāsavo.
៤.
4.
‘‘ស្វាគតំ វត មេ អាសិ, មម ពុទ្ធស្ស សន្តិកេ;
‘‘Svāgataṃ vata me āsi, mama buddhassa santike;
តិស្សោ វិជ្ជា អនុប្បត្តា, កតំ ពុទ្ធស្ស សាសនំ។
Tisso vijjā anuppattā, kataṃ buddhassa sāsanaṃ.
៥.
5.
‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;
‘‘Paṭisambhidā catasso, vimokkhāpi ca aṭṭhime;
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
Chaḷabhiññā sacchikatā, kataṃ buddhassa sāsanaṃ’’.
ឥត្ថំ សុទំ អាយស្មា សាលកុសុមិយោ ថេរោ ឥមា គាថាយោ
Itthaṃ sudaṃ āyasmā sālakusumiyo thero imā gāthāyo
អភាសិត្ថាតិ។
Abhāsitthāti.
សាលកុសុមិយត្ថេរស្សាបទានំ បឋមំ។
Sālakusumiyattherassāpadānaṃ paṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-៦០. សកិំសម្មជ្ជកត្ថេរអបទានាទិវណ្ណនា • 1-60. Sakiṃsammajjakattheraapadānādivaṇṇanā
