| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. ចិតកបូជកត្ថេរអបទានំ
2. Citakapūjakattheraapadānaṃ
៦.
6.
‘‘ឈាយមានស្ស ភគវតោ, សិខិនោ លោកពន្ធុនោ;
‘‘Jhāyamānassa bhagavato, sikhino lokabandhuno;
អដ្ឋ ចម្បកបុប្ផានិ, ចិតកំ អភិរោបយិំ។
Aṭṭha campakapupphāni, citakaṃ abhiropayiṃ.
៧.
7.
‘‘ឯកតិំសេ ឥតោ កប្បេ, យំ បុប្ផមភិរោបយិំ;
‘‘Ekatiṃse ito kappe, yaṃ pupphamabhiropayiṃ;
ទុគ្គតិំ នាភិជានាមិ, ចិតបូជាយិទំ ផលំ។
Duggatiṃ nābhijānāmi, citapūjāyidaṃ phalaṃ.
៨.
8.
‘‘កិលេសា ឈាបិតា មយ្ហំ…បេ.… វិហរាមិ អនាសវោ។
‘‘Kilesā jhāpitā mayhaṃ…pe… viharāmi anāsavo.
៩.
9.
‘‘ស្វាគតំ វត មេ អាសិ…បេ.… កតំ ពុទ្ធស្ស សាសនំ។
‘‘Svāgataṃ vata me āsi…pe… kataṃ buddhassa sāsanaṃ.
១០.
10.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ចិតកបូជកោ ថេរោ ឥមា គាថាយោ
Itthaṃ sudaṃ āyasmā citakapūjako thero imā gāthāyo
អភាសិត្ថាតិ។
Abhāsitthāti.
ចិតកបូជកត្ថេរស្សាបទានំ ទុតិយំ។
Citakapūjakattherassāpadānaṃ dutiyaṃ.
