| Library / Tipiṭaka / തിപിടക • Tipiṭaka / മഹാവിഭങ്ഗ-അട്ഠകഥാ • Mahāvibhaṅga-aṭṭhakathā |
൪. സക്കച്ചവഗ്ഗവണ്ണനാ
4. Sakkaccavaggavaṇṇanā
൬൦൬. സക്കച്ചന്തി ഏത്ഥാപി അസക്കച്ചം പടിഗ്ഗഹണേയേവ ആപത്തി, പടിഗ്ഗഹിതം പന സുപടിഗ്ഗഹിതമേവ. സക്കച്ചന്തി ച പത്തസഞ്ഞീതി ചാതി ഉഭയം വുത്തനയമേവ.
606.Sakkaccanti etthāpi asakkaccaṃ paṭiggahaṇeyeva āpatti, paṭiggahitaṃ pana supaṭiggahitameva. Sakkaccanti ca pattasaññīti cāti ubhayaṃ vuttanayameva.
൬൦൮. സപദാനന്തി തത്ഥ തത്ഥ ഓധിം അകത്വാ അനുപടിപാടിയാ. സമസൂപകേ വത്തബ്ബം വുത്തമേവ.
608.Sapadānanti tattha tattha odhiṃ akatvā anupaṭipāṭiyā. Samasūpake vattabbaṃ vuttameva.
൬൧൦. ഥൂപകതോതി മത്ഥകതോ; വേമജ്ഝതോതി അത്ഥോ.
610.Thūpakatoti matthakato; vemajjhatoti attho.
൬൧൧. പടിച്ഛാദേത്വാ ദേന്തീതി മാഘാതസമയാദീസു പടിച്ഛന്നം ബ്യഞ്ജനം കത്വാ ദേന്തി. വിഞ്ഞത്തിയം വത്തബ്ബം നത്ഥി.
611.Paṭicchādetvādentīti māghātasamayādīsu paṭicchannaṃ byañjanaṃ katvā denti. Viññattiyaṃ vattabbaṃ natthi.
൬൧൪. ഉജ്ഝാനസഞ്ഞീസിക്ഖാപദേപി ഗിലാനോ ന മുച്ചതി.
614.Ujjhānasaññīsikkhāpadepi gilāno na muccati.
൬൧൫. നാതിമഹന്തോ കബളോതി മയൂരണ്ഡം അതിമഹന്തം, കുക്കുടണ്ഡം അതിഖുദ്ദകം, തേസം വേമജ്ഝപ്പമാണോ. ഖജ്ജകേതി ഏത്ഥ മൂലഖാദനീയാദി സബ്ബം ഗഹേതബ്ബം.
615.Nātimahanto kabaḷoti mayūraṇḍaṃ atimahantaṃ, kukkuṭaṇḍaṃ atikhuddakaṃ, tesaṃ vemajjhappamāṇo. Khajjaketi ettha mūlakhādanīyādi sabbaṃ gahetabbaṃ.
ചതുത്ഥോ വഗ്ഗോ.
Catuttho vaggo.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവിഭങ്ഗ • Mahāvibhaṅga / ൪. സക്കച്ചവഗ്ഗോ • 4. Sakkaccavaggo
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൪. സക്കച്ചവഗ്ഗവണ്ണനാ • 4. Sakkaccavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൪. സക്കച്ചവഗ്ഗവണ്ണനാ • 4. Sakkaccavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൪. സക്കച്ചവഗ്ഗ-അത്ഥയോജനാ • 4. Sakkaccavagga-atthayojanā
