| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. បុប្ផធារកត្ថេរអបទានំ
2. Pupphadhārakattheraapadānaṃ
៦.
6.
‘‘វាកចីរធរោ អាសិំ, អជិនុត្តរវាសនោ;
‘‘Vākacīradharo āsiṃ, ajinuttaravāsano;
អភិញ្ញា បញ្ច និព្ពត្តា, ចន្ទស្ស បរិមជ្ជកោ។
Abhiññā pañca nibbattā, candassa parimajjako.
៧.
7.
‘‘វិបស្សិំ លោកបជ្ជោតំ, ទិស្វា អភិគតំ មមំ;
‘‘Vipassiṃ lokapajjotaṃ, disvā abhigataṃ mamaṃ;
បារិច្ឆត្តកបុប្ផានិ, ធារេសិំ សត្ថុនោ អហំ។
Pāricchattakapupphāni, dhāresiṃ satthuno ahaṃ.
៨.
8.
‘‘ឯកនវុតិតោ កប្បេ, យំ បុប្ផមភិបូជយិំ;
‘‘Ekanavutito kappe, yaṃ pupphamabhipūjayiṃ;
ទុគ្គតិំ នាភិជានាមិ, ធារណាយ ឥទំ ផលំ។
Duggatiṃ nābhijānāmi, dhāraṇāya idaṃ phalaṃ.
៩.
9.
‘‘សត្តាសីតិម្ហិតោ កប្បេ, ឯកោ អាសិំ មហីបតិ;
‘‘Sattāsītimhito kappe, eko āsiṃ mahīpati;
សមន្តធារណោ នាម, ចក្កវត្តី មហព្ពលោ។
Samantadhāraṇo nāma, cakkavattī mahabbalo.
១០.
10.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បុប្ផធារកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā pupphadhārako thero imā gāthāyo abhāsitthāti.
បុប្ផធារកត្ថេរស្សាបទានំ ទុតិយំ។
Pupphadhārakattherassāpadānaṃ dutiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. ចិតកបូជកត្ថេរអបទានាទិវណ្ណនា • 1-10. Citakapūjakattheraapadānādivaṇṇanā
