| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣. ឆត្តទាយកត្ថេរអបទានំ
3. Chattadāyakattheraapadānaṃ
១១.
11.
‘‘បុត្តោ មម បព្ពជិតោ, កាសាយវសនោ តទា;
‘‘Putto mama pabbajito, kāsāyavasano tadā;
សោ ច ពុទ្ធត្តំ សម្បត្តោ, និព្ពុតោ លោកបូជិតោ។
So ca buddhattaṃ sampatto, nibbuto lokapūjito.
១២.
12.
‘‘វិចិនន្តោ សកំ បុត្តំ, អគមំ បច្ឆតោ អហំ;
‘‘Vicinanto sakaṃ puttaṃ, agamaṃ pacchato ahaṃ;
និព្ពុតស្ស មហន្តស្ស, ចិតកំ អគមាសហំ។
Nibbutassa mahantassa, citakaṃ agamāsahaṃ.
១៣.
13.
‘‘បគ្គយ្ហ អញ្ជលិំ តត្ថ, វន្ទិត្វា ចិតកំ អហំ;
‘‘Paggayha añjaliṃ tattha, vanditvā citakaṃ ahaṃ;
សេតច្ឆត្តញ្ច បគ្គយ្ហ, អារោបេសិំ អហំ តទា។
Setacchattañca paggayha, āropesiṃ ahaṃ tadā.
១៤.
14.
‘‘ចតុន្នវុតិតោ កប្បេ, យំ ឆត្តមភិរោបយិំ;
‘‘Catunnavutito kappe, yaṃ chattamabhiropayiṃ;
ទុគ្គតិំ នាភិជានាមិ, ឆត្តទានស្សិទំ ផលំ។
Duggatiṃ nābhijānāmi, chattadānassidaṃ phalaṃ.
១៥.
15.
‘‘បញ្ចវីសេ ឥតោ កប្បេ, សត្ត អាសុំ ជនាធិបា;
‘‘Pañcavīse ito kappe, satta āsuṃ janādhipā;
មហារហសនាមា តេ, ចក្កវត្តី មហព្ពលា។
Mahārahasanāmā te, cakkavattī mahabbalā.
១៦.
16.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ឆត្តទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā chattadāyako thero imā gāthāyo abhāsitthāti.
ឆត្តទាយកត្ថេរស្សាបទានំ តតិយំ។
Chattadāyakattherassāpadānaṃ tatiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. ចិតកបូជកត្ថេរអបទានាទិវណ្ណនា • 1-10. Citakapūjakattheraapadānādivaṇṇanā
