| Library / Tipiṭaka / তিপিটক • Tipiṭaka / সুত্তনিপাতপাল়ি • Suttanipātapāḷi |
১৪. পোসালমাণৰপুচ্ছা
14. Posālamāṇavapucchā
১১১৮.
1118.
‘‘যো অতীতং আদিসতি, (ইচ্চাযস্মা পোসালো) অনেজো ছিন্নসংসযো।
‘‘Yo atītaṃ ādisati, (iccāyasmā posālo) anejo chinnasaṃsayo;
পারগুং সব্বধম্মানং, অত্থি পঞ্হেন আগমং॥
Pāraguṃ sabbadhammānaṃ, atthi pañhena āgamaṃ.
১১১৯.
1119.
‘‘ৰিভূতরূপসঞ্ঞিস্স , সব্বকাযপ্পহাযিনো।
‘‘Vibhūtarūpasaññissa , sabbakāyappahāyino;
অজ্ঝত্তঞ্চ বহিদ্ধা চ, নত্থি কিঞ্চীতি পস্সতো।
Ajjhattañca bahiddhā ca, natthi kiñcīti passato;
ঞাণং সক্কানুপুচ্ছামি, কথং নেয্যো তথাৰিধো’’॥
Ñāṇaṃ sakkānupucchāmi, kathaṃ neyyo tathāvidho’’.
১১২০.
1120.
‘‘ৰিঞ্ঞাণট্ঠিতিযো সব্বা, (পোসালাতি ভগৰা) অভিজানং তথাগতো।
‘‘Viññāṇaṭṭhitiyo sabbā, (posālāti bhagavā) abhijānaṃ tathāgato;
তিট্ঠন্তমেনং জানাতি, ৰিমুত্তং তপ্পরাযণং॥
Tiṭṭhantamenaṃ jānāti, vimuttaṃ tapparāyaṇaṃ.
১১২১.
1121.
‘‘আকিঞ্চঞ্ঞসম্ভৰং ঞত্ৰা, নন্দী সংযোজনং ইতি।
‘‘Ākiñcaññasambhavaṃ ñatvā, nandī saṃyojanaṃ iti;
এৰমেতং অভিঞ্ঞায, ততো তত্থ ৰিপস্সতি।
Evametaṃ abhiññāya, tato tattha vipassati;
পোসালমাণৰপুচ্ছা চুদ্দসমা নিট্ঠিতা।
Posālamāṇavapucchā cuddasamā niṭṭhitā.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / সুত্তনিপাত-অট্ঠকথা • Suttanipāta-aṭṭhakathā / ১৪. পোসালসুত্তৰণ্ণনা • 14. Posālasuttavaṇṇanā
