| Library / Tipiṭaka / তিপিটক • Tipiṭaka / সুত্তনিপাতপাল়ি • Suttanipātapāḷi |
১৫. মোঘরাজমাণৰপুচ্ছা
15. Mogharājamāṇavapucchā
১১২২.
1122.
‘‘দ্ৰাহং সক্কং অপুচ্ছিস্সং, (ইচ্চাযস্মা মোঘরাজা)
‘‘Dvāhaṃ sakkaṃ apucchissaṃ, (iccāyasmā mogharājā)
ন মে ব্যাকাসি চক্খুমা।
Na me byākāsi cakkhumā;
যাৰততিযঞ্চ দেৰীসি, ব্যাকরোতীতি মে সুতং॥
Yāvatatiyañca devīsi, byākarotīti me sutaṃ.
১১২৩.
1123.
‘‘অযং লোকো পরো লোকো, ব্রহ্মলোকো সদেৰকো।
‘‘Ayaṃ loko paro loko, brahmaloko sadevako;
দিট্ঠিং তে নাভিজানাতি, গোতমস্স যসস্সিনো॥
Diṭṭhiṃ te nābhijānāti, gotamassa yasassino.
১১২৪.
1124.
‘‘এৰং অভিক্কন্তদস্সাৰিং, অত্থি পঞ্হেন আগমং।
‘‘Evaṃ abhikkantadassāviṃ, atthi pañhena āgamaṃ;
কথং লোকং অৰেক্খন্তং, মচ্চুরাজা ন পস্সতি’’॥
Kathaṃ lokaṃ avekkhantaṃ, maccurājā na passati’’.
১১২৫.
1125.
‘‘সুঞ্ঞতো লোকং অৰেক্খস্সু, মোঘরাজ সদা সতো।
‘‘Suññato lokaṃ avekkhassu, mogharāja sadā sato;
অত্তানুদিট্ঠিং ঊহচ্চ, এৰং মচ্চুতরো সিযা।
Attānudiṭṭhiṃ ūhacca, evaṃ maccutaro siyā;
এৰং লোকং অৰেক্খন্তং, মচ্চুরাজা ন পস্সতী’’তি॥
Evaṃ lokaṃ avekkhantaṃ, maccurājā na passatī’’ti.
মোঘরাজমাণৰপুচ্ছা পন্নরসমা নিট্ঠিতা।
Mogharājamāṇavapucchā pannarasamā niṭṭhitā.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / সুত্তনিপাত-অট্ঠকথা • Suttanipāta-aṭṭhakathā / ১৫. মোঘরাজসুত্তৰণ্ণনা • 15. Mogharājasuttavaṇṇanā
