| Library / Tipiṭaka / তিপিটক • Tipiṭaka / সুত্তনিপাতপাল়ি • Suttanipātapāḷi |
১৬. পিঙ্গিযমাণৰপুচ্ছা
16. Piṅgiyamāṇavapucchā
১১২৬.
1126.
‘‘জিণ্ণোহমস্মি অবলো ৰীতৰণ্ণো, (ইচ্চাযস্মা পিঙ্গিযো)
‘‘Jiṇṇohamasmi abalo vītavaṇṇo, (iccāyasmā piṅgiyo)
নেত্তা ন সুদ্ধা সৰনং ন ফাসু।
Nettā na suddhā savanaṃ na phāsu;
মাহং নস্সং মোমুহো অন্তরাৰ
Māhaṃ nassaṃ momuho antarāva
আচিক্খ ধম্মং যমহং ৰিজঞ্ঞং।
Ācikkha dhammaṃ yamahaṃ vijaññaṃ;
জাতিজরায ইধ ৰিপ্পহানং’’॥
Jātijarāya idha vippahānaṃ’’.
১১২৭.
1127.
‘‘দিস্ৰান রূপেসু ৰিহঞ্ঞমানে, (পিঙ্গিযাতি ভগৰা)
‘‘Disvāna rūpesu vihaññamāne, (piṅgiyāti bhagavā)
রুপ্পন্তি রূপেসু জনা পমত্তা।
Ruppanti rūpesu janā pamattā;
তস্মা তুৰং পিঙ্গিয অপ্পমত্তো,
Tasmā tuvaṃ piṅgiya appamatto,
জহস্সু রূপং অপুনব্ভৰায’’॥
Jahassu rūpaṃ apunabbhavāya’’.
১১২৮.
1128.
‘‘দিসা চতস্সো ৰিদিসা চতস্সো, উদ্ধং অধো দস দিসা ইমাযো।
‘‘Disā catasso vidisā catasso, uddhaṃ adho dasa disā imāyo;
আচিক্খ ধম্মং যমহং ৰিজঞ্ঞং, জাতিজরায ইধ ৰিপ্পহানং’’॥
Ācikkha dhammaṃ yamahaṃ vijaññaṃ, jātijarāya idha vippahānaṃ’’.
১১২৯.
1129.
‘‘তণ্হাধিপন্নে মনুজে পেক্খমানো, (পিঙ্গিযাতি ভগৰা)
‘‘Taṇhādhipanne manuje pekkhamāno, (piṅgiyāti bhagavā)
সন্তাপজাতে জরসা পরেতে।
Santāpajāte jarasā parete;
তস্মা তুৰং পিঙ্গিয অপ্পমত্তো, জহস্সু তণ্হং অপুনব্ভৰাযা’’তি॥
Tasmā tuvaṃ piṅgiya appamatto, jahassu taṇhaṃ apunabbhavāyā’’ti.
পিঙ্গিযমাণৰপুচ্ছা সোল়সমা নিট্ঠিতা।
Piṅgiyamāṇavapucchā soḷasamā niṭṭhitā.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / সুত্তনিপাত-অট্ঠকথা • Suttanipāta-aṭṭhakathā / ১৬. পিঙ্গিযসুত্তৰণ্ণনা • 16. Piṅgiyasuttavaṇṇanā
