| Library / Tipiṭaka / ติปิฎก • Tipiṭaka / จูฬนิเทฺทสปาฬิ • Cūḷaniddesapāḷi |
๑๖. ปิงฺคิยมาณวปุจฺฉา
16. Piṅgiyamāṇavapucchā
๑๔๕.
145.
‘‘ชิโณฺณหมสฺมิ อพโล วีตวโณฺณ, [อิจฺจายสฺมา ปิงฺคิโย]
‘‘Jiṇṇohamasmi abalo vītavaṇṇo, [iccāyasmā piṅgiyo]
เนตฺตา น สุทฺธา สวนํ น ผาสุ;
Nettā na suddhā savanaṃ na phāsu;
มาหํ นสฺสํ โมมุโห อนฺตราว, อาจิกฺข ธมฺมํ ยมหํ วิชญฺญํ;
Māhaṃ nassaṃ momuho antarāva, ācikkha dhammaṃ yamahaṃ vijaññaṃ;
ชาติชราย อิธ วิปฺปหานํ’’ฯ
Jātijarāya idha vippahānaṃ’’.
๑๔๖.
146.
‘‘ทิสฺวาน รูเปสุ วิหญฺญมาเน, [ปิงฺคิยาติ ภควา]
‘‘Disvāna rūpesu vihaññamāne, [piṅgiyāti bhagavā]
รุปฺปนฺติ รูเปสุ ชนา ปมตฺตา;
Ruppanti rūpesu janā pamattā;
ตสฺมา ตุวํ ปิงฺคิย อปฺปมโตฺต, ชหสฺสุ รูปํ อปุนพฺภวาย’’ฯ
Tasmā tuvaṃ piṅgiya appamatto, jahassu rūpaṃ apunabbhavāya’’.
๑๔๗.
147.
‘‘ทิสา จตโสฺส วิทิสา จตโสฺส, อุทฺธํ อโธ ทส ทิสา อิมาโย;
‘‘Disā catasso vidisā catasso, uddhaṃ adho dasa disā imāyo;
อาจิกฺข ธมฺมํ ยมหํ วิชญฺญํ, ชาติชราย อิธ วิปฺปหานํ’’ฯ
Ācikkha dhammaṃ yamahaṃ vijaññaṃ, jātijarāya idha vippahānaṃ’’.
๑๔๘.
148.
‘‘ตณฺหาธิปเนฺน มนุเช เปกฺขมาโน, [ปิงฺคิยาติ ภควา]
‘‘Taṇhādhipanne manuje pekkhamāno, [piṅgiyāti bhagavā]
สนฺตาปชาเต ชรสา ปเรเต;
Santāpajāte jarasā parete;
ตสฺมา ตุวํ ปิงฺคิย อปฺปมโตฺต, ชหสฺสุ ตณฺหํ อปุนพฺภวายา’’ติฯ
Tasmā tuvaṃ piṅgiya appamatto, jahassu taṇhaṃ apunabbhavāyā’’ti.
ปิงฺคิยมาณวปุจฺฉา โสฬสมาฯ
Piṅgiyamāṇavapucchā soḷasamā.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / จูฬนิเทฺทส-อฎฺฐกถา • Cūḷaniddesa-aṭṭhakathā / ๑๖. ปิงฺคิยมาณวสุตฺตนิเทฺทสวณฺณนา • 16. Piṅgiyamāṇavasuttaniddesavaṇṇanā
