| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၃. ပေသလသုတ္တဝဏ္ဏနာ
3. Pesalasuttavaṇṇanā
၂၁၁. တတိယေ အတိမညတီတိ ‘‘ကိံ ဣမေ မဟလ္လကာ? န ဧတေသံ ပာဠိ, န အဋ္ဌကထာ, န ပဒဗ္ယဉ္ဇနမဓုရတာ, အမ္ဟာကံ ပန ပာဠိပိ အဋ္ဌကထာပိ နယသတေန နယသဟသ္သေန ဥပဋ္ဌာတီ’’တိ အတိက္ကမိတ္ဝာ မညတိ။ ဂောတမာတိ ဂောတမဗုဒ္ဓသာဝကတ္တာ အတ္တာနံ အာလပတိ။ မာနပထန္တိ မာနာရမ္မဏဉ္စေဝ မာနသဟဘုနော စ ဓမ္မေ။ ဝိပ္ပဋိသာရီဟုဝာတိ ဝိပ္ပဋိသာရီ အဟုဝာ, အဟောသီတိ အတ္ထော။ မဂ္ဂဇိနောတိ မဂ္ဂေန ဇိတကိလေသော။ ကိတ္တိဉ္စ သုခဉ္စာတိ ဝဏ္ဏဘဏနဉ္စ ကာယိကစေတသိကသုခဉ္စ။ အခိလောဓ ပဓာနဝာတိ အခိလော ဣဓ ပဓာနဝာ ဝီရိယသမ္ပန္နော။ ဝိသုဒ္ဓောတိ ဝိသုဒ္ဓော ဘဝေယ္ယ။ အသေသန္တိ နိသ္သေသံ နဝဝိဓံ။ ဝိဇ္ဇာယန္တကရောတိ ဝိဇ္ဇာယ ကိလေသာနံ အန္တကရော။ သမိတာဝီတိ ရာဂာဒီနံ သမိတတာယ သမိတာဝီ။ တတိယံ။
211. Tatiye atimaññatīti ‘‘kiṃ ime mahallakā? Na etesaṃ pāḷi, na aṭṭhakathā, na padabyañjanamadhuratā, amhākaṃ pana pāḷipi aṭṭhakathāpi nayasatena nayasahassena upaṭṭhātī’’ti atikkamitvā maññati. Gotamāti gotamabuddhasāvakattā attānaṃ ālapati. Mānapathanti mānārammaṇañceva mānasahabhuno ca dhamme. Vippaṭisārīhuvāti vippaṭisārī ahuvā, ahosīti attho. Maggajinoti maggena jitakileso. Kittiñca sukhañcāti vaṇṇabhaṇanañca kāyikacetasikasukhañca. Akhilodha padhānavāti akhilo idha padhānavā vīriyasampanno. Visuddhoti visuddho bhaveyya. Asesanti nissesaṃ navavidhaṃ. Vijjāyantakaroti vijjāya kilesānaṃ antakaro. Samitāvīti rāgādīnaṃ samitatāya samitāvī. Tatiyaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. ပေသလသုတ္တံ • 3. Pesalasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၃. ပေသလသုတ္တဝဏ္ဏနာ • 3. Pesalasuttavaṇṇanā
