| Library / Tipiṭaka / ತಿಪಿಟಕ • Tipiṭaka / ಇತಿವುತ್ತಕಪಾಳಿ • Itivuttakapāḷi |
೮. ಪಟಿಸಲ್ಲಾನಸುತ್ತಂ
8. Paṭisallānasuttaṃ
೪೫. ವುತ್ತಞ್ಹೇತಂ ಭಗವತಾ, ವುತ್ತಮರಹತಾತಿ ಮೇ ಸುತಂ –
45. Vuttañhetaṃ bhagavatā, vuttamarahatāti me sutaṃ –
‘‘ಪಟಿಸಲ್ಲಾನಾರಾಮಾ 1, ಭಿಕ್ಖವೇ, ವಿಹರಥ ಪಟಿಸಲ್ಲಾನರತಾ, ಅಜ್ಝತ್ತಂ ಚೇತೋಸಮಥಮನುಯುತ್ತಾ, ಅನಿರಾಕತಜ್ಝಾನಾ, ವಿಪಸ್ಸನಾಯ ಸಮನ್ನಾಗತಾ, ಬ್ರೂಹೇತಾ ಸುಞ್ಞಾಗಾರಾನಂ । ಪಟಿಸಲ್ಲಾನಾರಾಮಾನಂ, ಭಿಕ್ಖವೇ, ವಿಹರತಂ ಪಟಿಸಲ್ಲಾನರತಾನಂ ಅಜ್ಝತ್ತಂ ಚೇತೋಸಮಥಮನುಯುತ್ತಾನಂ ಅನಿರಾಕತಮಜ್ಝಾನಾನಂ ವಿಪಸ್ಸನಾಯ ಸಮನ್ನಾಗತಾನಂ ಬ್ರೂಹೇತಾನಂ ಸುಞ್ಞಾಗಾರಾನಂ ದ್ವಿನ್ನಂ ಫಲಾನಂ ಅಞ್ಞತರಂ ಫಲಂ ಪಾಟಿಕಙ್ಖಂ – ದಿಟ್ಠೇವ ಧಮ್ಮೇ ಅಞ್ಞಾ, ಸತಿ ವಾ ಉಪಾದಿಸೇಸೇ ಅನಾಗಾಮಿತಾ’’ತಿ। ಏತಮತ್ಥಂ ಭಗವಾ ಅವೋಚ। ತತ್ಥೇತಂ ಇತಿ ವುಚ್ಚತಿ –
‘‘Paṭisallānārāmā 2, bhikkhave, viharatha paṭisallānaratā, ajjhattaṃ cetosamathamanuyuttā, anirākatajjhānā, vipassanāya samannāgatā, brūhetā suññāgārānaṃ . Paṭisallānārāmānaṃ, bhikkhave, viharataṃ paṭisallānaratānaṃ ajjhattaṃ cetosamathamanuyuttānaṃ anirākatamajjhānānaṃ vipassanāya samannāgatānaṃ brūhetānaṃ suññāgārānaṃ dvinnaṃ phalānaṃ aññataraṃ phalaṃ pāṭikaṅkhaṃ – diṭṭheva dhamme aññā, sati vā upādisese anāgāmitā’’ti. Etamatthaṃ bhagavā avoca. Tatthetaṃ iti vuccati –
ಸಮ್ಮಾ ಧಮ್ಮಂ ವಿಪಸ್ಸನ್ತಿ, ಕಾಮೇಸು ಅನಪೇಕ್ಖಿನೋ॥
Sammā dhammaṃ vipassanti, kāmesu anapekkhino.
‘‘ಅಪ್ಪಮಾದರತಾ ಸನ್ತಾ, ಪಮಾದೇ ಭಯದಸ್ಸಿನೋ।
‘‘Appamādaratā santā, pamāde bhayadassino;
ಅಭಬ್ಬಾ ಪರಿಹಾನಾಯ, ನಿಬ್ಬಾನಸ್ಸೇವ ಸನ್ತಿಕೇ’’ತಿ॥
Abhabbā parihānāya, nibbānasseva santike’’ti.
ಅಯಮ್ಪಿ ಅತ್ಥೋ ವುತ್ತೋ ಭಗವತಾ, ಇತಿ ಮೇ ಸುತನ್ತಿ। ಅಟ್ಠಮಂ।
Ayampi attho vutto bhagavatā, iti me sutanti. Aṭṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಇತಿವುತ್ತಕ-ಅಟ್ಠಕಥಾ • Itivuttaka-aṭṭhakathā / ೮. ಪಟಿಸಲ್ಲಾನಸುತ್ತವಣ್ಣನಾ • 8. Paṭisallānasuttavaṇṇanā
