| Library / Tipiṭaka / ತಿಪಿಟಕ • Tipiṭaka / ಇತಿವುತ್ತಕಪಾಳಿ • Itivuttakapāḷi |
೯. ಸಿಕ್ಖಾನಿಸಂಸಸುತ್ತಂ
9. Sikkhānisaṃsasuttaṃ
೪೬. ವುತ್ತಞ್ಹೇತಂ ಭಗವತಾ, ವುತ್ತಮರಹತಾತಿ ಮೇ ಸುತಂ –
46. Vuttañhetaṃ bhagavatā, vuttamarahatāti me sutaṃ –
‘‘ಸಿಕ್ಖಾನಿಸಂಸಾ , ಭಿಕ್ಖವೇ, ವಿಹರಥ ಪಞ್ಞುತ್ತರಾ ವಿಮುತ್ತಿಸಾರಾ ಸತಾಧಿಪತೇಯ್ಯಾ। ಸಿಕ್ಖಾನಿಸಂಸಾನಂ, ಭಿಕ್ಖವೇ, ವಿಹರತಂ ಪಞ್ಞುತ್ತರಾನಂ ವಿಮುತ್ತಿಸಾರಾನಂ ಸತಾಧಿಪತೇಯ್ಯಾನಂ ದ್ವಿನ್ನಂ ಫಲಾನಂ ಅಞ್ಞತರಂ ಫಲಂ ಪಾಟಿಕಙ್ಖಂ – ದಿಟ್ಠೇವ ಧಮ್ಮೇ ಅಞ್ಞಾ, ಸತಿ ವಾ ಉಪಾದಿಸೇಸೇ ಅನಾಗಾಮಿತಾ’’ತಿ। ಏತಮತ್ಥಂ ಭಗವಾ ಅವೋಚ। ತತ್ಥೇತಂ ಇತಿ ವುಚ್ಚತಿ –
‘‘Sikkhānisaṃsā , bhikkhave, viharatha paññuttarā vimuttisārā satādhipateyyā. Sikkhānisaṃsānaṃ, bhikkhave, viharataṃ paññuttarānaṃ vimuttisārānaṃ satādhipateyyānaṃ dvinnaṃ phalānaṃ aññataraṃ phalaṃ pāṭikaṅkhaṃ – diṭṭheva dhamme aññā, sati vā upādisese anāgāmitā’’ti. Etamatthaṃ bhagavā avoca. Tatthetaṃ iti vuccati –
‘‘ಪರಿಪುಣ್ಣಸಿಕ್ಖಂ 1 ಅಪಹಾನಧಮ್ಮಂ, ಪಞ್ಞುತ್ತರಂ ಜಾತಿಖಯನ್ತದಸ್ಸಿಂ।
‘‘Paripuṇṇasikkhaṃ 2 apahānadhammaṃ, paññuttaraṃ jātikhayantadassiṃ;
ತಂ ವೇ ಮುನಿಂ ಅನ್ತಿಮದೇಹಧಾರಿಂ, ಮಾರಞ್ಜಹಂ ಬ್ರೂಮಿ ಜರಾಯ ಪಾರಗುಂ॥
Taṃ ve muniṃ antimadehadhāriṃ, mārañjahaṃ brūmi jarāya pāraguṃ.
‘‘ತಸ್ಮಾ ಸದಾ ಝಾನರತಾ ಸಮಾಹಿತಾ, ಆತಾಪಿನೋ ಜಾತಿಖಯನ್ತದಸ್ಸಿನೋ।
‘‘Tasmā sadā jhānaratā samāhitā, ātāpino jātikhayantadassino;
ಮಾರಂ ಸಸೇನಂ ಅಭಿಭುಯ್ಯ ಭಿಕ್ಖವೋ, ಭವಥ ಜಾತಿಮರಣಸ್ಸ ಪಾರಗಾ’’ತಿ॥
Māraṃ sasenaṃ abhibhuyya bhikkhavo, bhavatha jātimaraṇassa pāragā’’ti.
ಅಯಮ್ಪಿ ಅತ್ಥೋ ವುತ್ತೋ ಭಗವತಾ, ಇತಿ ಮೇ ಸುತನ್ತಿ। ನವಮಂ।
Ayampi attho vutto bhagavatā, iti me sutanti. Navamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಇತಿವುತ್ತಕ-ಅಟ್ಠಕಥಾ • Itivuttaka-aṭṭhakathā / ೯. ಸಿಕ್ಖಾನಿಸಂಸಸುತ್ತವಣ್ಣನಾ • 9. Sikkhānisaṃsasuttavaṇṇanā
