| Library / Tipiṭaka / ติปิฎก • Tipiṭaka / ธมฺมปท-อฎฺฐกถา • Dhammapada-aṭṭhakathā |
ฯ นโม ตสฺส ภควโต อรหโต สมฺมาสมฺพุทฺธสฺสฯ
Namo tassa bhagavato arahato sammāsambuddhassa
ขุทฺทกนิกาเย
Khuddakanikāye
ธมฺมปท-อฎฺฐกถา
Dhammapada-aṭṭhakathā
(ปฐโม ภาโค)
(Paṭhamo bhāgo)
คนฺถารมฺภกถา
Ganthārambhakathā
๑.
1.
มหาโมหตโมนเทฺธ , โลเก โลกนฺตทสฺสินา;
Mahāmohatamonaddhe , loke lokantadassinā;
เยน สทฺธมฺมปโชฺชโต, ชาลิโต ชลิติทฺธินาฯ
Yena saddhammapajjoto, jālito jalitiddhinā.
๒.
2.
ตสฺส ปาเท นมสฺสิตฺวา, สมฺพุทฺธสฺส สิรีมโต;
Tassa pāde namassitvā, sambuddhassa sirīmato;
สทฺธมฺมญฺจสฺส ปูเชตฺวา, กตฺวา สงฺฆสฺส จญฺชลิํฯ
Saddhammañcassa pūjetvā, katvā saṅghassa cañjaliṃ.
๓.
3.
ตํ ตํ การณมาคมฺม, ธมฺมาธเมฺมสุ โกวิโท;
Taṃ taṃ kāraṇamāgamma, dhammādhammesu kovido;
สมฺปตฺตสทฺธมฺมปโท, สตฺถา ธมฺมปทํ สุภํฯ
Sampattasaddhammapado, satthā dhammapadaṃ subhaṃ.
๔.
4.
เทเสสิ กรุณาเวค-สมุสฺสาหิตมานโส;
Desesi karuṇāvega-samussāhitamānaso;
ยํ เว เทวมนุสฺสานํ, ปีติปาโมชฺชวฑฺฒนํฯ
Yaṃ ve devamanussānaṃ, pītipāmojjavaḍḍhanaṃ.
๕.
5.
ปรมฺปราภตา ตสฺส, นิปุณา อตฺถวณฺณนา;
Paramparābhatā tassa, nipuṇā atthavaṇṇanā;
ยา ตมฺพปณฺณิทีปมฺหิ, ทีปภาสาย สณฺฐิตาฯ
Yā tambapaṇṇidīpamhi, dīpabhāsāya saṇṭhitā.
๖.
6.
น สาธยติ เสสานํ, สตฺตานํ หิตสมฺปทํ;
Na sādhayati sesānaṃ, sattānaṃ hitasampadaṃ;
อเปฺปว นาม สาเธยฺย, สพฺพโลกสฺส สา หิตํฯ
Appeva nāma sādheyya, sabbalokassa sā hitaṃ.
๗.
7.
อิติ อาสีสมาเนน, ทเนฺตน สมจารินา;
Iti āsīsamānena, dantena samacārinā;
กุมารกสฺสเปนาหํ, เถเรน ถิรเจตสาฯ
Kumārakassapenāhaṃ, therena thiracetasā.
๘ .
8.
สทฺธมฺมฎฺฐิติกาเมน , สกฺกจฺจํ อภิยาจิโต;
Saddhammaṭṭhitikāmena , sakkaccaṃ abhiyācito;
ตํ ภาสํ อติวิตฺถาร-คตญฺจ วจนกฺกมํฯ
Taṃ bhāsaṃ ativitthāra-gatañca vacanakkamaṃ.
๙ .
9.
ปหายาโรปยิตฺวาน , ตนฺติภาสํ มโนรมํ;
Pahāyāropayitvāna , tantibhāsaṃ manoramaṃ;
คาถานํ พฺยญฺชนปทํ, ยํ ตตฺถ น วิภาวิตํฯ
Gāthānaṃ byañjanapadaṃ, yaṃ tattha na vibhāvitaṃ.
๑๐.
10.
เกวลํ ตํ วิภาเวตฺวา, เสสํ ตเมว อตฺถโต;
Kevalaṃ taṃ vibhāvetvā, sesaṃ tameva atthato;
ภาสนฺตเรน ภาสิสฺสํ, อาวหโนฺต วิภาวินํ;
Bhāsantarena bhāsissaṃ, āvahanto vibhāvinaṃ;
มนโส ปีติปาโมชฺชํ, อตฺถธมฺมูปนิสฺสิตนฺติฯ
Manaso pītipāmojjaṃ, atthadhammūpanissitanti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / ขุทฺทกนิกาย • Khuddakanikāya / ธมฺมปทปาฬิ • Dhammapadapāḷi / ๑. ยมกวโคฺค • 1. Yamakavaggo
