| Library / Tipiṭaka / តិបិដក • Tipiṭaka / សារត្ថទីបនី-ដីកា • Sāratthadīpanī-ṭīkā |
៨. បឋមឧបក្ខដសិក្ខាបទវណ្ណនា
8. Paṭhamaupakkhaṭasikkhāpadavaṇṇanā
៥២៧. អដ្ឋមេ អបិ មយ្យាតិ បាឋេបិ សោយេវត្ថោ។ អយ្យាតិ បន ពហុវចនេន អាមន្តនំ កតំ។
527. Aṭṭhame api mayyāti pāṭhepi soyevattho. Ayyāti pana bahuvacanena āmantanaṃ kataṃ.
៥២៨-៥២៩. អបទិស្សាតិ ‘‘ឥត្ថន្នាមស្ស ភិក្ខុនោ ទស្សាមី’’តិ ឯវំ អបទិសិត្វា។ បច្ចយំ កត្វាតិ ការណំ កត្វា។ ឧទ្ទិស្សាតិ ឯត្ថ យោ កត្តាតិ ‘‘ឧទ្ទិស្សា’’តិ ឥមិនា វុត្តឧទ្ទិសនកិរិយាយ យោ កត្តា។ ចីវរំ ចេតាបេន្តិ បរិវត្តេន្តិ ឯតេនាតិ ចីវរចេតាបន្នំ។ ន-ការាគមំ កត្វា ចីវរចេតាបន្នន្តិ វុត្តំ, ‘‘ចីវរចេតាបន’’ន្តិបិ បឋន្តិ។ បចុរវោហារវសេនាតិ យេភុយ្យវោហារវសេន។ យេភុយ្យវសេន ហិ ឃរសាមិកំ ទដ្ឋុកាមា តស្ស ឃរំ គច្ឆន្តីតិ តថេវ ពហុលំ វោហារោ។ ព្យញ្ជនមត្តមេវាតិ អត្ថោ នេតព្ពោ នត្ថីតិ អធិប្បាយោ។
528-529.Apadissāti ‘‘itthannāmassa bhikkhuno dassāmī’’ti evaṃ apadisitvā. Paccayaṃ katvāti kāraṇaṃ katvā. Uddissāti ettha yo kattāti ‘‘uddissā’’ti iminā vuttauddisanakiriyāya yo kattā. Cīvaraṃ cetāpenti parivattenti etenāti cīvaracetāpannaṃ. Na-kārāgamaṃ katvā cīvaracetāpannanti vuttaṃ, ‘‘cīvaracetāpana’’ntipi paṭhanti. Pacuravohāravasenāti yebhuyyavohāravasena. Yebhuyyavasena hi gharasāmikaṃ daṭṭhukāmā tassa gharaṃ gacchantīti tatheva bahulaṃ vohāro. Byañjanamattamevāti attho netabbo natthīti adhippāyo.
៥៣១. សមកេបិ បន អនាបត្តីតិ យទគ្ឃនកំ សោ ទាតុកាមោ ហោតិ, តទគ្ឃនកេ អនាបត្តិ មូលំ វឌ្ឍេត្វា អធិកវិធានំ អនាបន្នត្តា។ ឯត្ថ ច ‘‘ទាតុកាមោម្ហី’’តិ អត្តនោ សន្តិកេ អវុត្តេបិ ទាតុកាមតំ សុត្វា យទគ្ឃនកំ សោ ទាតុកាមោ ហោតិ, តទគ្ឃនកំ អាហរាបេតុំ វដ្ដតិ។ អគ្ឃវឌ្ឍនកញ្ហិ ឥទំ សិក្ខាបទន្តិ ឯត្ថ អគ្ឃវឌ្ឍនំ ឯតស្ស អត្ថីតិ អគ្ឃវឌ្ឍនកំ, អគ្ឃវឌ្ឍនំ សន្ធាយ ឥទំ សិក្ខាបទំ បញ្ញត្តន្តិ អធិប្បាយោ។ ចីវរំ ទេហីតិ សង្ឃាដិអាទីសុ យំកិញ្ចិ ចីវរំ សន្ធាយ វទតិ។ ចីវរេ ភិយ្យោកម្យតា, អញ្ញាតកវិញ្ញត្តិ, តាយ ច បដិលាភោតិ ឥមានេត្ថ តីណិ អង្គានិ។
531.Samakepi pana anāpattīti yadagghanakaṃ so dātukāmo hoti, tadagghanake anāpatti mūlaṃ vaḍḍhetvā adhikavidhānaṃ anāpannattā. Ettha ca ‘‘dātukāmomhī’’ti attano santike avuttepi dātukāmataṃ sutvā yadagghanakaṃ so dātukāmo hoti, tadagghanakaṃ āharāpetuṃ vaṭṭati. Agghavaḍḍhanakañhi idaṃ sikkhāpadanti ettha agghavaḍḍhanaṃ etassa atthīti agghavaḍḍhanakaṃ, agghavaḍḍhanaṃ sandhāya idaṃ sikkhāpadaṃ paññattanti adhippāyo. Cīvaraṃ dehīti saṅghāṭiādīsu yaṃkiñci cīvaraṃ sandhāya vadati. Cīvare bhiyyokamyatā, aññātakaviññatti, tāya ca paṭilābhoti imānettha tīṇi aṅgāni.
បឋមឧបក្ខដសិក្ខាបទវណ្ណនា និដ្ឋិតា។
Paṭhamaupakkhaṭasikkhāpadavaṇṇanā niṭṭhitā.
៥៣២. ទុតិយឧបក្ខដេ វត្តព្ពំ នត្ថិ។
532. Dutiyaupakkhaṭe vattabbaṃ natthi.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga
៨. ឧបក្ខដសិក្ខាបទំ • 8. Upakkhaṭasikkhāpadaṃ
៩. ទុតិយឧបក្ខដសិក្ខាបទំ • 9. Dutiyaupakkhaṭasikkhāpadaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā
៨. បឋមឧបក្ខដសិក្ខាបទវណ្ណនា • 8. Paṭhamaupakkhaṭasikkhāpadavaṇṇanā
៩. ទុតិយឧបក្ខដសិក្ខាបទវណ្ណនា • 9. Dutiyaupakkhaṭasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā
៨. បឋមឧបក្ខដសិក្ខាបទវណ្ណនា • 8. Paṭhamaupakkhaṭasikkhāpadavaṇṇanā
៩. ទុតិយឧបក្ខដសិក្ខាបទវណ្ណនា • 9. Dutiyaupakkhaṭasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៨. បឋមឧបក្ខដសិក្ខាបទវណ្ណនា • 8. Paṭhamaupakkhaṭasikkhāpadavaṇṇanā
