| Library / Tipiṭaka / តិបិដក • Tipiṭaka / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā |
៥. ចិត្តាគារវគ្គោ
5. Cittāgāravaggo
១. បឋមសិក្ខាបទវណ្ណនា
1. Paṭhamasikkhāpadavaṇṇanā
៩៧៨. ចិត្តាគារវគ្គស្ស បឋមសិក្ខាបទេ – រាជាគារន្តិ រញ្ញោ កីឡនឃរំ។ ចិត្តាគារន្តិ កីឡនចិត្តសាលំ។ អារាមន្តិ កីឡនឧបវនំ។ ឧយ្យានន្តិ កីឡនុយ្យានំ។ បោក្ខរណីន្តិ កីឡនបោក្ខរណិំ។ តស្មាយេវ បទភាជនេ ‘‘យត្ថ កត្ថចិ រញ្ញោ កីឡិតុ’’ន្តិអាទិ វុត្តំ។ ទស្សនាយ គច្ឆតិ អាបត្តិ ទុក្កដស្សាតិ ឯត្ថ បទវារគណនាយ ទុក្កដំ។ យត្ថ ឋិតា បស្សតីតិ ឯត្ថ បន សចេ ឯកស្មិំយេវ ឋានេ ឋិតា បទំ អនុទ្ធរមានា បញ្ចបិ បស្សតិ, ឯកមេវ បាចិត្តិយំ។ តំ តំ ទិសាភាគំ ឱលោកេត្វា បស្សន្តិយា បន បាដេក្កា អាបត្តិយោ។ ភិក្ខុស្ស បន សព្ពត្ថ ទុក្កដំ។
978. Cittāgāravaggassa paṭhamasikkhāpade – rājāgāranti rañño kīḷanagharaṃ. Cittāgāranti kīḷanacittasālaṃ. Ārāmanti kīḷanaupavanaṃ. Uyyānanti kīḷanuyyānaṃ. Pokkharaṇīnti kīḷanapokkharaṇiṃ. Tasmāyeva padabhājane ‘‘yattha katthaci rañño kīḷitu’’ntiādi vuttaṃ. Dassanāya gacchati āpatti dukkaṭassāti ettha padavāragaṇanāya dukkaṭaṃ. Yattha ṭhitā passatīti ettha pana sace ekasmiṃyeva ṭhāne ṭhitā padaṃ anuddharamānā pañcapi passati, ekameva pācittiyaṃ. Taṃ taṃ disābhāgaṃ oloketvā passantiyā pana pāṭekkā āpattiyo. Bhikkhussa pana sabbattha dukkaṭaṃ.
៩៨១. អារាមេ ឋិតាតិ អជ្ឈារាមេ រាជាគារាទីនិ ករោន្តិ, តានិ បស្សន្តិយា អនាបត្តិ។ គច្ឆន្តី វា អាគច្ឆន្តី វាតិ បិណ្ឌបាតាទីនំ អត្ថាយ គច្ឆន្តិយា មគ្គោ ហោតិ, តានិ បស្សតិ, អនាបត្តិ។ សតិ ករណីយេ គន្ត្វាតិ រញ្ញោ សន្តិកំ កេនចិ ករណីយេន គន្ត្វា បស្សតិ, អនាបត្តិ។ អាបទាសូតិ កេនចិ ឧបទ្ទុតា បវិសិត្វា បស្សតិ, អនាបត្តិ។ សេសំ ឧត្តានមេវ។
981.Ārāme ṭhitāti ajjhārāme rājāgārādīni karonti, tāni passantiyā anāpatti. Gacchantī vā āgacchantī vāti piṇḍapātādīnaṃ atthāya gacchantiyā maggo hoti, tāni passati, anāpatti. Sati karaṇīye gantvāti rañño santikaṃ kenaci karaṇīyena gantvā passati, anāpatti. Āpadāsūti kenaci upaddutā pavisitvā passati, anāpatti. Sesaṃ uttānameva.
ឯឡកលោមសមុដ្ឋានំ – កិរិយំ, នោសញ្ញាវិមោក្ខំ, អចិត្តកំ, លោកវជ្ជំ, កាយកម្មំ, អកុសលចិត្តំ, តិវេទនន្តិ។
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, lokavajjaṃ, kāyakammaṃ, akusalacittaṃ, tivedananti.
បឋមសិក្ខាបទំ។
Paṭhamasikkhāpadaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ១. បឋមសិក្ខាបទំ • 1. Paṭhamasikkhāpadaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៥. ចិត្តាគារវគ្គវណ្ណនា • 5. Cittāgāravaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ១. បឋមសិក្ខាបទវណ្ណនា • 1. Paṭhamasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ១. បឋមាទិសិក្ខាបទវណ្ណនា • 1. Paṭhamādisikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ១. បឋមសិក្ខាបទ-អត្ថយោជនា • 1. Paṭhamasikkhāpada-atthayojanā
