| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൪. പഠമസങ്ഗാമസുത്തവണ്ണനാ
4. Paṭhamasaṅgāmasuttavaṇṇanā
൧൨൫. വേദേന ഞാണേന ഈഹതി ഇരിയതീതി വേദേഹീ, കോസലരാജഭഗിനീ അജാതസത്തുനോ മാതാ, സാ കിര സമ്പജഞ്ഞജാതികാ. തേനാഹ ‘‘പണ്ഡിതാധിവചന’’ന്തി, ചത്താരി അങ്ഗാനി ഏതിസ്സന്തി ചതുരങ്ഗിനീ. ദ്വിന്നം രജ്ജാനന്തി കാസികരജ്ജമഗധരജ്ജാനം അന്തരേ, സോ പന ഗാമോ കാസികരജ്ജോ.
125. Vedena ñāṇena īhati iriyatīti vedehī, kosalarājabhaginī ajātasattuno mātā, sā kira sampajaññajātikā. Tenāha ‘‘paṇḍitādhivacana’’nti, cattāri aṅgāni etissanti caturaṅginī. Dvinnaṃ rajjānanti kāsikarajjamagadharajjānaṃ antare, so pana gāmo kāsikarajjo.
പാപാതി ലാമകാ നിഹീനാചാരാ. മേജ്ജതി സിനിയ്ഹതീതി മേത്തി, സാ ഏതേസു അത്ഥീതി മിത്താ. സഹ അയന്തി പവത്തന്തീതി സഹായാ. സമ്പവങ്കന്തി സുട്ഠു ഓനതം. ജയകാരണം ദിസ്വാ ആഹ, തഥാ ഹി ‘‘അജ്ജ ഇമം രത്തിം ദുക്ഖം സേതീ’’തി കാലപരിച്ഛേദവസേന വുത്തം. വേരിഘാതോ നാമ വേരിപുഗ്ഗലേ സതീതി ആഹ ‘‘വേരിപുഗ്ഗലം ലഭതീ’’തി.
Pāpāti lāmakā nihīnācārā. Mejjati siniyhatīti metti, sā etesu atthīti mittā. Saha ayanti pavattantīti sahāyā. Sampavaṅkanti suṭṭhu onataṃ. Jayakāraṇaṃ disvā āha, tathā hi ‘‘ajja imaṃ rattiṃ dukkhaṃ setī’’ti kālaparicchedavasena vuttaṃ. Verighāto nāma veripuggale satīti āha ‘‘veripuggalaṃ labhatī’’ti.
പഠമസങ്ഗാമസുത്തവണ്ണനാ നിട്ഠിതാ.
Paṭhamasaṅgāmasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൪. പഠമസങ്ഗാമസുത്തം • 4. Paṭhamasaṅgāmasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൪. പഠമസങ്ഗാമസുത്തവണ്ണനാ • 4. Paṭhamasaṅgāmasuttavaṇṇanā
