| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൫. ദുതിയസങ്ഗാമസുത്തവണ്ണനാ
5. Dutiyasaṅgāmasuttavaṇṇanā
൧൨൬. സുണാഥാതി ‘‘വത്വാ’’തി വചനസേസോ. ഉപകപ്പതീതി സമ്ഭവതി. സയ്ഹം ഹോതീതി കാതും സക്കാ ഹോതി. ‘‘യദാ ചഞ്ഞേ’’തി ച-കാരോ നിപാതമത്തന്തി ആഹ ‘‘യദാ അഞ്ഞേ’’തി. വിലുമ്പന്തീതി വിനാസം അച്ഛിന്ദനം കരോന്തി. വിലുമ്പീയതീതി വിലുത്തപരസന്തകസ്സ അസകത്താ പുഗ്ഗലോ ദിട്ഠധമ്മികം കമ്മഫലം പടിസംവേദേന്തോ വിയ സയമ്പി പരേന വിലുമ്പീയതി, ധനജാനിം പാപുണാതി. ‘‘കാരണ’’ന്തി ഹി മഞ്ഞതീതി പാപകിരിയം അത്തനോ ഹിതാവഹം കാരണം കത്വാ മഞ്ഞതി. ജയന്തോ പുഗ്ഗലോ ‘‘ഇദം നാമ ജിനാമീ’’തി മഞ്ഞമാനോ സയമ്പി തതോ പരാജയം പാപുണാതി. ഘട്ടേതാരന്തി പാപകമ്മവിപാകം. കമ്മവിവട്ടേനാതി കമ്മസ്സ വിവട്ടനേന, പച്ചയലാഭേന ലദ്ധാവസരേന വിവട്ടേത്വാ വിഗമിതേന കമ്മേനാതി അത്ഥോ.
126.Suṇāthāti ‘‘vatvā’’ti vacanaseso. Upakappatīti sambhavati. Sayhaṃ hotīti kātuṃ sakkā hoti. ‘‘Yadā caññe’’ti ca-kāro nipātamattanti āha ‘‘yadā aññe’’ti. Vilumpantīti vināsaṃ acchindanaṃ karonti. Vilumpīyatīti viluttaparasantakassa asakattā puggalo diṭṭhadhammikaṃ kammaphalaṃ paṭisaṃvedento viya sayampi parena vilumpīyati, dhanajāniṃ pāpuṇāti. ‘‘Kāraṇa’’nti hi maññatīti pāpakiriyaṃ attano hitāvahaṃ kāraṇaṃ katvā maññati. Jayanto puggalo ‘‘idaṃ nāma jināmī’’ti maññamāno sayampi tato parājayaṃ pāpuṇāti. Ghaṭṭetāranti pāpakammavipākaṃ. Kammavivaṭṭenāti kammassa vivaṭṭanena, paccayalābhena laddhāvasarena vivaṭṭetvā vigamitena kammenāti attho.
ദുതിയസങ്ഗാമസുത്തവണ്ണനാ നിട്ഠിതാ.
Dutiyasaṅgāmasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൫. ദുതിയസങ്ഗാമസുത്തം • 5. Dutiyasaṅgāmasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൫. ദുതിയസങ്ഗാമസുത്തവണ്ണനാ • 5. Dutiyasaṅgāmasuttavaṇṇanā
