| Library / Tipiṭaka / តិបិដក • Tipiṭaka / វិមានវត្ថុបាឡិ • Vimānavatthupāḷi |
៦. បឋមករណីយវិមានវត្ថុ
6. Paṭhamakaraṇīyavimānavatthu
៩២៦.
926.
‘‘ឧច្ចមិទំ មណិថូណំ វិមានំ, សមន្តតោ ទ្វាទស យោជនានិ;
‘‘Uccamidaṃ maṇithūṇaṃ vimānaṃ, samantato dvādasa yojanāni;
កូដាគារា សត្តសតា ឧឡារា, វេឡុរិយថម្ភា រុចកត្ថតា សុភា។
Kūṭāgārā sattasatā uḷārā, veḷuriyathambhā rucakatthatā subhā.
៩២៧.
927.
‘‘តត្ថច្ឆសិ បិវសិ ខាទសិ ច, ទិព្ពា ច វីណា បវទន្តិ វគ្គុំ;
‘‘Tatthacchasi pivasi khādasi ca, dibbā ca vīṇā pavadanti vagguṃ;
ទិព្ពា រសា កាមគុណេត្ថ បញ្ច, នារិយោ ច នច្ចន្តិ សុវណ្ណឆន្នា។
Dibbā rasā kāmaguṇettha pañca, nāriyo ca naccanti suvaṇṇachannā.
៩២៨.
928.
‘‘កេន តេតាទិសោ វណ្ណោ…បេ.…
‘‘Kena tetādiso vaṇṇo…pe…
វណ្ណោ ច តេ សព្ពទិសា បភាសតី’’តិ។
Vaṇṇo ca te sabbadisā pabhāsatī’’ti.
៩៣០.
930.
សោ ទេវបុត្តោ អត្តមនោ…បេ.…យស្ស កម្មស្សិទំ ផលំ។
So devaputto attamano…pe…yassa kammassidaṃ phalaṃ.
៩៣១.
931.
‘‘ករណីយានិ បុញ្ញានិ, បណ្ឌិតេន វិជានតា;
‘‘Karaṇīyāni puññāni, paṇḍitena vijānatā;
សម្មគ្គតេសុ ពុទ្ធេសុ, យត្ថ ទិន្នំ មហប្ផលំ។
Sammaggatesu buddhesu, yattha dinnaṃ mahapphalaṃ.
៩៣២.
932.
‘‘អត្ថាយ វត មេ ពុទ្ធោ, អរញ្ញា គាមមាគតោ;
‘‘Atthāya vata me buddho, araññā gāmamāgato;
៩៣៣.
933.
‘‘តេន មេតាទិសោ វណ្ណោ…បេ.…វណ្ណោ ច មេ សព្ពទិសា បភាសតី’’តិ។
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
បឋមករណីយវិមានំ ឆដ្ឋំ។
Paṭhamakaraṇīyavimānaṃ chaṭṭhaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / វិមានវត្ថុ-អដ្ឋកថា • Vimānavatthu-aṭṭhakathā / ៦. បឋមករណីយវិមានវណ្ណនា • 6. Paṭhamakaraṇīyavimānavaṇṇanā
