| Library / Tipiṭaka / តិបិដក • Tipiṭaka / វិមានវត្ថុបាឡិ • Vimānavatthupāḷi |
៧. ទុតិយករណីយវិមានវត្ថុ
7. Dutiyakaraṇīyavimānavatthu
៩៣៥.
935.
‘‘ឧច្ចមិទំ មណិថូណំ វិមានំ, សមន្តតោ ទ្វាទស យោជនានិ;
‘‘Uccamidaṃ maṇithūṇaṃ vimānaṃ, samantato dvādasa yojanāni;
កូដាគារា សត្តសតា ឧឡារា, វេឡុរិយថម្ភា រុចកត្ថតា សុភា។
Kūṭāgārā sattasatā uḷārā, veḷuriyathambhā rucakatthatā subhā.
៩៣៦.
936.
‘‘តត្ថច្ឆសិ បិវសិ ខាទសិ ច, ទិព្ពា ច វីណា បវទន្តិ វគ្គុំ;
‘‘Tatthacchasi pivasi khādasi ca, dibbā ca vīṇā pavadanti vagguṃ;
ទិព្ពា រសា កាមគុណេត្ថ បញ្ច, នារិយោ ច នច្ចន្តិ សុវណ្ណឆន្នា។
Dibbā rasā kāmaguṇettha pañca, nāriyo ca naccanti suvaṇṇachannā.
៩៣៧.
937.
‘‘កេន តេតាទិសោ វណ្ណោ…បេ.… វណ្ណោ ច តេ សព្ពទិសា បភាសតី’’តិ។
‘‘Kena tetādiso vaṇṇo…pe… vaṇṇo ca te sabbadisā pabhāsatī’’ti.
៩៣៩.
939.
សោ ទេវបុត្តោ អត្តមនោ…បេ.… យស្ស កម្មស្សិទំ ផលំ។
So devaputto attamano…pe… yassa kammassidaṃ phalaṃ.
៩៤០.
940.
‘‘ករណីយានិ បុញ្ញានិ, បណ្ឌិតេន វិជានតា;
‘‘Karaṇīyāni puññāni, paṇḍitena vijānatā;
សម្មគ្គតេសុ ភិក្ខូសុ, យត្ថ ទិន្នំ មហប្ផលំ។
Sammaggatesu bhikkhūsu, yattha dinnaṃ mahapphalaṃ.
៩៤១.
941.
‘‘អត្ថាយ វត មេ ភិក្ខុ, អរញ្ញា គាមមាគតោ;
‘‘Atthāya vata me bhikkhu, araññā gāmamāgato;
តត្ថ ចិត្តំ បសាទេត្វា, តាវតិំសូបគោ អហំ។
Tattha cittaṃ pasādetvā, tāvatiṃsūpago ahaṃ.
៩៤២.
942.
‘‘តេន មេតាទិសោ វណ្ណោ…បេ.…
‘‘Tena metādiso vaṇṇo…pe…
វណ្ណោ ច មេ សព្ពទិសា បភាសតី’’តិ។
Vaṇṇo ca me sabbadisā pabhāsatī’’ti.
ទុតិយករណីយវិមានំ សត្តមំ។
Dutiyakaraṇīyavimānaṃ sattamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / វិមានវត្ថុ-អដ្ឋកថា • Vimānavatthu-aṭṭhakathā / ៧. ទុតិយករណីយវិមានវណ្ណនា • 7. Dutiyakaraṇīyavimānavaṇṇanā
