| Library / Tipiṭaka / តិបិដក • Tipiṭaka / វិមានវត្ថុបាឡិ • Vimānavatthupāḷi |
៨. បឋមសូចិវិមានវត្ថុ
8. Paṭhamasūcivimānavatthu
៩៤៤.
944.
‘‘ឧច្ចមិទំ មណិថូណំ វិមានំ, សមន្តតោ ទ្វាទស យោជនានិ;
‘‘Uccamidaṃ maṇithūṇaṃ vimānaṃ, samantato dvādasa yojanāni;
កូដាគារា សត្តសតា ឧឡារា, វេឡុរិយថម្ភា រុចកត្ថតា សុភា។
Kūṭāgārā sattasatā uḷārā, veḷuriyathambhā rucakatthatā subhā.
៩៤៥.
945.
‘‘តត្ថច្ឆសិ បិវសិ ខាទសិ ច, ទិព្ពា ច វីណា បវទន្តិ វគ្គុំ;
‘‘Tatthacchasi pivasi khādasi ca, dibbā ca vīṇā pavadanti vagguṃ;
ទិព្ពា រសា កាមគុណេត្ថ បញ្ច, នារិយោ ច នច្ចន្តិ សុវណ្ណឆន្នា។
Dibbā rasā kāmaguṇettha pañca, nāriyo ca naccanti suvaṇṇachannā.
៩៤៦.
946.
‘‘កេន តេតាទិសោ វណ្ណោ…បេ.… វណ្ណោ ច តេ សព្ពទិសា បភាសតី’’តិ។
‘‘Kena tetādiso vaṇṇo…pe… vaṇṇo ca te sabbadisā pabhāsatī’’ti.
៩៤៨.
948.
សោ ទេវបុត្តោ អត្តមនោ…បេ.… យស្ស កម្មស្សិទំ ផលំ។
So devaputto attamano…pe… yassa kammassidaṃ phalaṃ.
៩៤៩.
949.
‘‘យំ ទទាតិ ន តំ ហោតិ,
‘‘Yaṃ dadāti na taṃ hoti,
យញ្ចេវ ទជ្ជា តញ្ចេវ សេយ្យោ;
Yañceva dajjā tañceva seyyo;
សូចិ ទិន្នា សូចិមេវ សេយ្យោ។
Sūci dinnā sūcimeva seyyo.
៩៥០.
950.
‘‘តេន មេតាទិសោ វណ្ណោ…បេ.… វណ្ណោ ច មេ សព្ពទិសា បភាសតី’’តិ។
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
បឋមសូចិវិមានំ អដ្ឋមំ។
Paṭhamasūcivimānaṃ aṭṭhamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / វិមានវត្ថុ-អដ្ឋកថា • Vimānavatthu-aṭṭhakathā / ៨. បឋមសូចិវិមានវណ្ណនា • 8. Paṭhamasūcivimānavaṇṇanā
