| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၆. မောဂ္ဂလ္လာနသံယုတ္တံ
6. Moggallānasaṃyuttaṃ
၁-၈. ပဌမဇ္ဈာနပဉ္ဟသုတ္တာဒိဝဏ္ဏနာ
1-8. Paṭhamajjhānapañhasuttādivaṇṇanā
၃၃၂-၃၃၉. ကာမသဟဂတေသု သညာမနသိကာရေသု ဥပဋ္ဌဟန္တေသု ဗ္ယာပာဒာဒိသဟဂတာပိ သညာမနသိကာရာ ယထာပစ္စယံ ဥပဋ္ဌဟန္တိယေဝာတိ ဝုတ္တံ ‘‘ကာမသဟဂတာတိ ပဉ္စနီဝရဏသဟဂတာ’’တိ။ နီဝရဏာနဉ္ဟေတ္ထ နိဒသ္သနမတ္တမေတံ, ယဒိဒံ ကာမဂ္ဂဟဏံ။ ပဟီနာဝသေသာ စေတ္ထ နီဝရဏာ ဝေဒိတဗ္ဗာ, တသ္မာ ပဉ္စဂ္ဂဟဏံ န ကတ္တဗ္ဗံ။ တသ္သာတိ မဟာမောဂ္ဂလ္လာနတ္ထေရသ္သ သန္တတော ဥပဋ္ဌဟိံသု အစိဏ္ဏဝသိတာယ။ တေနာဟ ‘‘ဟာနဘာဂိယံ နာမ အဟောသီ’’တိ။ အာရမ္မဏ။ပေ.။ သဟဂတန္တိ ဝုတ္တံ ဣတရေသံ အဘာဝတော။
332-339. Kāmasahagatesu saññāmanasikāresu upaṭṭhahantesu byāpādādisahagatāpi saññāmanasikārā yathāpaccayaṃ upaṭṭhahantiyevāti vuttaṃ ‘‘kāmasahagatāti pañcanīvaraṇasahagatā’’ti. Nīvaraṇānañhettha nidassanamattametaṃ, yadidaṃ kāmaggahaṇaṃ. Pahīnāvasesā cettha nīvaraṇā veditabbā, tasmā pañcaggahaṇaṃ na kattabbaṃ. Tassāti mahāmoggallānattherassa santato upaṭṭhahiṃsu aciṇṇavasitāya. Tenāha ‘‘hānabhāgiyaṃ nāma ahosī’’ti. Ārammaṇa…pe… sahagatanti vuttaṃ itaresaṃ abhāvato.
ပဌမဇ္ဈာနပဉ္ဟသုတ္တာဒိဝဏ္ဏနာ နိဋ္ဌိတာ။
Paṭhamajjhānapañhasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၁. ပဌမဈာနပဉ္ဟာသုတ္တံ • 1. Paṭhamajhānapañhāsuttaṃ
၂. ဒုတိယဈာနပဉ္ဟာသုတ္တံ • 2. Dutiyajhānapañhāsuttaṃ
၃. တတိယဈာနပဉ္ဟာသုတ္တံ • 3. Tatiyajhānapañhāsuttaṃ
၄. စတုတ္ထဈာနပဉ္ဟာသုတ္တံ • 4. Catutthajhānapañhāsuttaṃ
၅. အာကာသာနဉ္စာယတနပဉ္ဟာသုတ္တံ • 5. Ākāsānañcāyatanapañhāsuttaṃ
၆. ဝိညာဏဉ္စာယတနပဉ္ဟာသုတ္တံ • 6. Viññāṇañcāyatanapañhāsuttaṃ
၇. အာကိဉ္စညာယတနပဉ္ဟာသုတ္တံ • 7. Ākiñcaññāyatanapañhāsuttaṃ
၈. နေဝသညာနာသညာယတနပဉ္ဟာသုတ္တံ • 8. Nevasaññānāsaññāyatanapañhāsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁-၈. ပဌမဈာနပဉ္ဟာသုတ္တာဒိဝဏ္ဏနာ • 1-8. Paṭhamajhānapañhāsuttādivaṇṇanā
