| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၉. အနိမိတ္တပဉ္ဟသုတ္တဝဏ္ဏနာ
9. Animittapañhasuttavaṇṇanā
၃၄၀. ဝိပသ္သနာသမာဓိံယေဝ, န ဖလသမာဓိံ။ ဆေဇ္ဇကိစ္စံ န နိပ္ဖဇ္ဇတိ အဝိစ္ဆေဒဝသေန အပ္ပဝတ္တနတော။ နိကန္တီတိ ဝိပသ္သနံ အသ္သာဒေန္တီ ပဝတ္တတဏ္ဟာ။ သာဓေတုံ နာသက္ခိ ဥပက္ကိလိဋ္ဌတ္တာ။ နိမိတ္တာနုသာရီတိ နိစ္စသုခအတ္တနိမိတ္တာနံ အပူရဏတော ရာဂဒောသမောဟနိမိတ္တာနိပေတ္ထ နိမိတ္တာနေဝ။ ဝုဋ္ဌာန။ပေ.။ သမာဓိန္တိ ဧတေန ယာဝ မဂ္ဂော နာဓိဂတော, တာဝ ဝုဋ္ဌာနဂာမိနိဝိပသ္သနမနုယုဉ္ဇန္တောပိ ယထာရဟံ အနိမိတ္တံ အပ္ပဏိဟိတံ သုညတံ စေတောသမာဓိံ အနုယုတ္တော ဝိဟရတီတိ ဝတ္တဗ္ဗတံ အရဟတီတိ ဒသ္သေတိ။ ဝိပသ္သနာသမ္ပယုတ္တန္တိ ဝိပသ္သနာသင္ခာတဉာဏသမ္ပယုတ္တံ။ စေတောသမာဓိန္တိ စိတ္တသီသေန ဝိပသ္သနာသမာဓိမာဟ။ ဥပရိမဂ္ဂဖလသမာဓိန္တိ ပဌမမဂ္ဂသမာဓိသ္သ ပဂေဝ အဓိဂတတ္တာ။
340.Vipassanāsamādhiṃyeva, na phalasamādhiṃ. Chejjakiccaṃ na nipphajjati avicchedavasena appavattanato. Nikantīti vipassanaṃ assādentī pavattataṇhā. Sādhetuṃ nāsakkhi upakkiliṭṭhattā. Nimittānusārīti niccasukhaattanimittānaṃ apūraṇato rāgadosamohanimittānipettha nimittāneva. Vuṭṭhāna…pe… samādhinti etena yāva maggo nādhigato, tāva vuṭṭhānagāminivipassanamanuyuñjantopi yathārahaṃ animittaṃ appaṇihitaṃ suññataṃ cetosamādhiṃ anuyutto viharatīti vattabbataṃ arahatīti dasseti. Vipassanāsampayuttanti vipassanāsaṅkhātañāṇasampayuttaṃ. Cetosamādhinti cittasīsena vipassanāsamādhimāha. Uparimaggaphalasamādhinti paṭhamamaggasamādhissa pageva adhigatattā.
အနိမိတ္တပဉ္ဟသုတ္တဝဏ္ဏနာ နိဋ္ဌိတာ။
Animittapañhasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၉. အနိမိတ္တပဉ္ဟာသုတ္တံ • 9. Animittapañhāsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၉. အနိမိတ္တပဉ္ဟာသုတ္တဝဏ္ဏနာ • 9. Animittapañhāsuttavaṇṇanā
