| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၉. ပဌမအာယုသုတ္တဝဏ္ဏနာ
9. Paṭhamaāyusuttavaṇṇanā
၁၄၅. နဝမေ အပ္ပံ ဝာ ဘိယ္ယောတိ ဘိယ္ယော ဇီဝန္တော အပရံ ဝသ္သသတံ ဇီဝိတုံ န သက္ကောတိ, ပဏ္ဏာသံ ဝာ သဋ္ဌိ ဝာ ဝသ္သာနိ ဇီဝတိ။ အဇ္ဈဘာသီတိ သမဏော ဂောတမော ‘‘မနုသ္သာနံ အပ္ပမာယူ’’တိ ကထေတိ, ဒီဃဘာဝမသ္သ ကထေသ္သာမီတိ ပစ္စနီကသာတတာယ အဘိဘဝိတ္ဝာ အဘာသိ။
145. Navame appaṃ vā bhiyyoti bhiyyo jīvanto aparaṃ vassasataṃ jīvituṃ na sakkoti, paṇṇāsaṃ vā saṭṭhi vā vassāni jīvati. Ajjhabhāsīti samaṇo gotamo ‘‘manussānaṃ appamāyū’’ti katheti, dīghabhāvamassa kathessāmīti paccanīkasātatāya abhibhavitvā abhāsi.
န နံ ဟီဠေတိ တံ အာယုံ ‘‘အပ္ပကမိဒ’’န္တိ န ဟီဠေယ္ယ။ ခီရမတ္တော ဝာတိ ယထာ ဒဟရော ကုမာရော ဥတ္တာနသေယ္ယကော ခီရံ ပိဝိတ္ဝာ ဒုကူလစုမ္ဗဋကေ နိပန္နော အသညီ ဝိယ နိဒ္ဒာယတိ, ကသ္သစိ အာယုံ အပ္ပံ ဝာ ဒီဃံ ဝာတိ န စိန္တေတိ, ဧဝံ သပ္ပုရိသော။ စရေယ္ယာဒိတ္တသီသော ဝာတိ အာယုံ ပရိတ္တန္တိ ဉတ္ဝာ ပဇ္ဇလိတသီသော ဝိယ စရေယ္ယ။ နဝမံ။
Nanaṃ hīḷeti taṃ āyuṃ ‘‘appakamida’’nti na hīḷeyya. Khīramatto vāti yathā daharo kumāro uttānaseyyako khīraṃ pivitvā dukūlacumbaṭake nipanno asaññī viya niddāyati, kassaci āyuṃ appaṃ vā dīghaṃ vāti na cinteti, evaṃ sappuriso. Careyyādittasīso vāti āyuṃ parittanti ñatvā pajjalitasīso viya careyya. Navamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၉. ပဌမအာယုသုတ္တံ • 9. Paṭhamaāyusuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၉. ပဌမအာယုသုတ္တဝဏ္ဏနာ • 9. Paṭhamaāyusuttavaṇṇanā
