| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯. ਪਠਮਅਪੁਤ੍ਤਕਸੁਤ੍ਤવਣ੍ਣਨਾ
9. Paṭhamaaputtakasuttavaṇṇanā
੧੩੦. ਨવਮੇ ਦਿવਾ ਦਿવਸ੍ਸਾਤਿ ਦਿવਸਸ੍ਸ ਦਿવਾ, ਮਜ੍ਝਨ੍ਹਿਕਸਮਯੇਤਿ ਅਤ੍ਥੋ। ਸਾਪਤੇਯ੍ਯਨ੍ਤਿ ਧਨਂ। ਕੋ ਪਨ વਾਦੋ ਰੂਪਿਯਸ੍ਸਾਤਿ ਸੁવਣ੍ਣਰਜਤਤਮ੍ਬਲੋਹਕਾਲ਼ਲੋਹਫਾਲਕਚ੍ਛਪਕਾਦਿਭੇਦਸ੍ਸ ਘਨਕਤਸ੍ਸ ਚੇવ ਪਰਿਭੋਗਭਾਜਨਾਦਿਭੇਦਸ੍ਸ ਚ ਰੂਪਿਯਭਣ੍ਡਸ੍ਸ ਪਨ ਕੋ વਾਦੋ? ‘‘ਏਤ੍ਤਕਂ ਨਾਮਾ’’ਤਿ ਕਾ ਪਰਿਚ੍ਛੇਦਕਥਾਤਿ ਅਤ੍ਥੋ। ਕਣਾਜਕਨ੍ਤਿ ਸਕੁਣ੍ਡਕਭਤ੍ਤਂ। ਬਿਲਙ੍ਗਦੁਤਿਯਨ੍ਤਿ ਕਞ੍ਜਿਕਦੁਤਿਯਂ। ਸਾਣਨ੍ਤਿ ਸਾਣવਾਕਮਯਂ । ਤਿਪਕ੍ਖવਸਨਨ੍ਤਿ ਤੀਣਿ ਖਣ੍ਡਾਨਿ ਦ੍વੀਸੁ ਠਾਨੇਸੁ ਸਿਬ੍ਬਿਤ੍વਾ ਕਤਨਿવਾਸਨਂ।
130. Navame divā divassāti divasassa divā, majjhanhikasamayeti attho. Sāpateyyanti dhanaṃ. Ko pana vādo rūpiyassāti suvaṇṇarajatatambalohakāḷalohaphālakacchapakādibhedassa ghanakatassa ceva paribhogabhājanādibhedassa ca rūpiyabhaṇḍassa pana ko vādo? ‘‘Ettakaṃ nāmā’’ti kā paricchedakathāti attho. Kaṇājakanti sakuṇḍakabhattaṃ. Bilaṅgadutiyanti kañjikadutiyaṃ. Sāṇanti sāṇavākamayaṃ . Tipakkhavasananti tīṇi khaṇḍāni dvīsu ṭhānesu sibbitvā katanivāsanaṃ.
ਅਸਪ੍ਪੁਰਿਸੋਤਿ ਲਾਮਕਪੁਰਿਸੋ। ਉਦ੍ਧਗ੍ਗਿਕਨ੍ਤਿਆਦੀਸੁ ਉਪਰੂਪਰਿਭੂਮੀਸੁ ਫਲਦਾਨવਸੇਨ ਉਦ੍ਧਂ ਅਗ੍ਗਮਸ੍ਸਾਤਿ ਉਦ੍ਧਗ੍ਗਿਕਾ। ਸਗ੍ਗਸ੍ਸ ਹਿਤਾ ਤਤ੍ਰੁਪਪਤ੍ਤਿਜਨਨਤੋਤਿ ਸੋવਗ੍ਗਿਕਾ। ਨਿਬ੍ਬਤ੍ਤਟ੍ਠਾਨੇਸੁ ਸੁਖੋ વਿਪਾਕੋ ਅਸ੍ਸਾਤਿ ਸੁਖવਿਪਾਕਾ। ਸੁਟ੍ਠੁ ਅਗ੍ਗਾਨਂ ਦਿਬ੍ਬવਣ੍ਣਾਦੀਨਂ વਿਸੇਸਾਨਂ ਨਿਬ੍ਬਤ੍ਤਨਤੋ ਸਗ੍ਗਸਂવਤ੍ਤਨਿਕਾ। ਏવਰੂਪਂ ਦਕ੍ਖਿਣਦਾਨਂ ਨ ਪਤਿਟ੍ਠਾਪੇਤੀਤਿ।
Asappurisoti lāmakapuriso. Uddhaggikantiādīsu uparūparibhūmīsu phaladānavasena uddhaṃ aggamassāti uddhaggikā. Saggassa hitā tatrupapattijananatoti sovaggikā. Nibbattaṭṭhānesu sukho vipāko assāti sukhavipākā. Suṭṭhu aggānaṃ dibbavaṇṇādīnaṃ visesānaṃ nibbattanato saggasaṃvattanikā. Evarūpaṃ dakkhiṇadānaṃ na patiṭṭhāpetīti.
ਸਾਤੋਦਕਾਤਿ ਮਧੁਰੋਦਕਾ। ਸੇਤ੍ਤੋਦਕਾਤਿ વੀਚੀਨਂ ਭਿਨ੍ਨਟ੍ਠਾਨੇ ਉਦਕਸ੍ਸ ਸੇਤਤਾਯ ਸੇਤੋਦਕਾ। ਸੁਪਤਿਤ੍ਥਾਤਿ ਸੁਨ੍ਦਰਤਿਤ੍ਥਾ। ਤਂ ਜਨੋਤਿ ਯੇਨ ਉਦਕੇਨ ਸਾਤੋਦਕਾ, ਤਂ ਉਦਕਂ ਜਨੋ ਭਾਜਨਾਨਿ ਪੂਰੇਤ੍વਾ ਨੇવ ਹਰੇਯ੍ਯ। ਨ ਯਥਾਪਚ੍ਚਯਂ વਾ ਕਰੇਯ੍ਯਾਤਿ, ਯਂ ਯਂ ਉਦਕੇਨ ਉਦਕਕਿਚ੍ਚਂ ਕਾਤਬ੍ਬਂ, ਤਂ ਤਂ ਨ ਕਰੇਯ੍ਯ। ਤਦਪੇਯ੍ਯਮਾਨਨ੍ਤਿ ਤਂ ਅਪੇਯ੍ਯਮਾਨਂ। ਕਿਚ੍ਚਕਰੋ ਚ ਹੋਤੀਤਿ ਅਤ੍ਤਨਾ ਕਤ੍ਤਬ੍ਬਕਿਚ੍ਚਕਰੋ ਚੇવ ਕੁਸਲਕਿਚ੍ਚਕਰੋ ਚ, ਭੁਞ੍ਜਤਿ ਚ, ਕਮ੍ਮਨ੍ਤੇ ਚ ਪਯੋਜੇਤਿ, ਦਾਨਞ੍ਚ ਦੇਤੀਤਿ ਅਤ੍ਥੋ। ਨવਮਂ।
Sātodakāti madhurodakā. Settodakāti vīcīnaṃ bhinnaṭṭhāne udakassa setatāya setodakā. Supatitthāti sundaratitthā. Taṃ janoti yena udakena sātodakā, taṃ udakaṃ jano bhājanāni pūretvā neva hareyya. Na yathāpaccayaṃ vā kareyyāti, yaṃ yaṃ udakena udakakiccaṃ kātabbaṃ, taṃ taṃ na kareyya. Tadapeyyamānanti taṃ apeyyamānaṃ. Kiccakaro ca hotīti attanā kattabbakiccakaro ceva kusalakiccakaro ca, bhuñjati ca, kammante ca payojeti, dānañca detīti attho. Navamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਪਠਮਅਪੁਤ੍ਤਕਸੁਤ੍ਤਂ • 9. Paṭhamaaputtakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯. ਪਠਮਅਪੁਤ੍ਤਕਸੁਤ੍ਤવਣ੍ਣਨਾ • 9. Paṭhamaaputtakasuttavaṇṇanā
