| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៨. កុមារិភូតវគ្គោ
8. Kumāribhūtavaggo
១-២-៣. បឋម-ទុតិយ-តតិយសិក្ខាបទ-អត្ថយោជនា
1-2-3. Paṭhama-dutiya-tatiyasikkhāpada-atthayojanā
១១១៩. កុមារិភូតវគ្គស្ស បឋមទុតិយតតិយេសុ យា បន តា មហាសិក្ខមានាតិ សម្ពន្ធោ។ សព្ពបឋមា ទ្វេ មហាសិក្ខមានាតិ គព្ភិនិវគ្គេ សព្ពាសំ សិក្ខមានានំ បឋមំ វុត្តា ទ្វេ មហាសិក្ខមានា។ តា បនាតិ មហាសិក្ខមានា បន។ សិក្ខមានាឥច្ចេវ វត្តព្ពាតិ សម្មុតិកម្មេសុ សាមញ្ញតោ វត្តព្ពា។ ‘‘គិហិគតា’’តិ វា ‘‘កុមារិភូតា’’តិ វា ន វត្តព្ពា, វទន្តិ ចេ, សម្មុតិកម្មំ កុប្បតីតិ អធិប្បាយោ។ គិហិគតាយាតិ ឯត្ថ គិហិគតា នាម បុរិសន្តរគតា វុច្ចតិ។ សា ហិ យស្មា បុរិសសង្ខាតេន គិហិនា គមិយិត្ថ, អជ្ឈាចារវសេន, គិហិំ វា គមិត្ថ, តស្មា គិហិគតាតិ វុច្ចតិ។ អយំ សិក្ខមានាតិ សម្ពន្ធោ។ កុមារិភូតា នាម សាមណេរា វុច្ចតិ។ សា ហិ យស្មា អគិហិគតត្តា កុមារី ហុត្វា ភូតា, កុមារិភាវំ វា ភូតា គតា, តស្មា កុមារិភូតាតិ វុច្ចតិ។ តិស្សោបីតិ គិហិគតា កុមារិភូតា មហាសិក្ខមានាតិ តិស្សោបិ។ សិក្ខមានាតិ សិក្ខំ មានេតីតិ សិក្ខមានាតិ។ បឋម ទុតិយ តតិយានិ។
1119. Kumāribhūtavaggassa paṭhamadutiyatatiyesu yā pana tā mahāsikkhamānāti sambandho. Sabbapaṭhamā dve mahāsikkhamānāti gabbhinivagge sabbāsaṃ sikkhamānānaṃ paṭhamaṃ vuttā dve mahāsikkhamānā. Tā panāti mahāsikkhamānā pana. Sikkhamānāicceva vattabbāti sammutikammesu sāmaññato vattabbā. ‘‘Gihigatā’’ti vā ‘‘kumāribhūtā’’ti vā na vattabbā, vadanti ce, sammutikammaṃ kuppatīti adhippāyo. Gihigatāyāti ettha gihigatā nāma purisantaragatā vuccati. Sā hi yasmā purisasaṅkhātena gihinā gamiyittha, ajjhācāravasena, gihiṃ vā gamittha, tasmā gihigatāti vuccati. Ayaṃ sikkhamānāti sambandho. Kumāribhūtā nāma sāmaṇerā vuccati. Sā hi yasmā agihigatattā kumārī hutvā bhūtā, kumāribhāvaṃ vā bhūtā gatā, tasmā kumāribhūtāti vuccati. Tissopīti gihigatā kumāribhūtā mahāsikkhamānāti tissopi. Sikkhamānāti sikkhaṃ mānetīti sikkhamānāti. Paṭhama dutiya tatiyāni.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ១. បឋមសិក្ខាបទំ • 1. Paṭhamasikkhāpadaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā / ១-២-៣. បឋមទុតិយតតិយសិក្ខាបទវណ្ណនា • 1-2-3. Paṭhamadutiyatatiyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៨. កុមារិភូតវគ្គវណ្ណនា • 8. Kumāribhūtavaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ១. បឋមាទិសិក្ខាបទវណ្ណនា • 1. Paṭhamādisikkhāpadavaṇṇanā
