| Library / Tipiṭaka / তিপিটক • Tipiṭaka / সুত্তনিপাতপাল়ি • Suttanipātapāḷi |
৫. পরমট্ঠকসুত্তং
5. Paramaṭṭhakasuttaṃ
৮০২.
802.
পরমন্তি দিট্ঠীসু পরিব্বসানো, যদুত্তরি কুরুতে জন্তু লোকে।
Paramanti diṭṭhīsu paribbasāno, yaduttari kurute jantu loke;
হীনাতি অঞ্ঞে ততো সব্বমাহ, তস্মা ৰিৰাদানি অৰীতিৰত্তো॥
Hīnāti aññe tato sabbamāha, tasmā vivādāni avītivatto.
৮০৩.
803.
যদত্তনী পস্সতি আনিসংসং, দিট্ঠে সুতে সীলৰতে 1 মুতে ৰা।
Yadattanī passati ānisaṃsaṃ, diṭṭhe sute sīlavate 2 mute vā;
তদেৰ সো তত্থ সমুগ্গহায, নিহীনতো পস্সতি সব্বমঞ্ঞং॥
Tadeva so tattha samuggahāya, nihīnato passati sabbamaññaṃ.
৮০৪.
804.
তং ৰাপি গন্থং কুসলা ৰদন্তি, যং নিস্সিতো পস্সতি হীনমঞ্ঞং।
Taṃ vāpi ganthaṃ kusalā vadanti, yaṃ nissito passati hīnamaññaṃ;
তস্মা হি দিট্ঠং ৰ সুতং মুতং ৰা, সীলব্বতং ভিক্খু ন নিস্সযেয্য॥
Tasmā hi diṭṭhaṃ va sutaṃ mutaṃ vā, sīlabbataṃ bhikkhu na nissayeyya.
৮০৫.
805.
দিট্ঠিম্পি লোকস্মিং ন কপ্পযেয্য, ঞাণেন ৰা সীলৰতেন ৰাপি।
Diṭṭhimpi lokasmiṃ na kappayeyya, ñāṇena vā sīlavatena vāpi;
সমোতি অত্তানমনূপনেয্য, হীনো ন মঞ্ঞেথ ৰিসেসি ৰাপি॥
Samoti attānamanūpaneyya, hīno na maññetha visesi vāpi.
৮০৬.
806.
অত্তং পহায অনুপাদিযানো, ঞাণেপি সো নিস্সযং নো করোতি।
Attaṃ pahāya anupādiyāno, ñāṇepi so nissayaṃ no karoti;
৮০৭.
807.
যস্সূভযন্তে পণিধীধ নত্থি, ভৰাভৰায ইধ ৰা হুরং ৰা।
Yassūbhayante paṇidhīdha natthi, bhavābhavāya idha vā huraṃ vā;
নিৰেসনা তস্স ন সন্তি কেচি, ধম্মেসু নিচ্ছেয্য সমুগ্গহীতং॥
Nivesanā tassa na santi keci, dhammesu niccheyya samuggahītaṃ.
৮০৮.
808.
তস্সীধ দিট্ঠে ৰ সুতে মুতে ৰা, পকপ্পিতা নত্থি অণূপি সঞ্ঞা।
Tassīdha diṭṭhe va sute mute vā, pakappitā natthi aṇūpi saññā;
তং ব্রাহ্মণং দিট্ঠিমনাদিযানং, কেনীধ লোকস্মিং ৰিকপ্পযেয্য॥
Taṃ brāhmaṇaṃ diṭṭhimanādiyānaṃ, kenīdha lokasmiṃ vikappayeyya.
৮০৯.
809.
ন কপ্পযন্তি ন পুরেক্খরোন্তি, ধম্মাপি তেসং ন পটিচ্ছিতাসে।
Na kappayanti na purekkharonti, dhammāpi tesaṃ na paṭicchitāse;
ন ব্রাহ্মণো সীলৰতেন নেয্যো, পারঙ্গতো ন পচ্চেতি তাদীতি॥
Na brāhmaṇo sīlavatena neyyo, pāraṅgato na pacceti tādīti.
পরমট্ঠকসুত্তং পঞ্চমং নিট্ঠিতং।
Paramaṭṭhakasuttaṃ pañcamaṃ niṭṭhitaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / সুত্তনিপাত-অট্ঠকথা • Suttanipāta-aṭṭhakathā / ৫. পরমট্ঠকসুত্তৰণ্ণনা • 5. Paramaṭṭhakasuttavaṇṇanā
