| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
(២) បារាជិកាទិបញ្ហាវណ្ណនា
(2) Pārājikādipañhāvaṇṇanā
៤៨០. សន្ថតបេយ្យាលញ្ចាតិ បឋមបារាជិកវិភង្គេ (បារា. ៦៥) វុត្តំ សន្ថតបេយ្យាលញ្ច។
480.Santhatapeyyālañcāti paṭhamapārājikavibhaṅge (pārā. 65) vuttaṃ santhatapeyyālañca.
លិង្គបរិវត្តំ សន្ធាយាតិ សតិ លិង្គេ បរិវត្តេ បដិគ្គហណស្ស វិជហនំ សន្ធាយ វុត្តំ។
Liṅgaparivattaṃ sandhāyāti sati liṅge parivatte paṭiggahaṇassa vijahanaṃ sandhāya vuttaṃ.
យោតិ ភិក្ខុ, បរិណាមេតីតិ សម្ពន្ធោ។ អត្តនោ អត្ថាយាតិ យោជនា។
Yoti bhikkhu, pariṇāmetīti sambandho. Attano atthāyāti yojanā.
អស្សាតិ គាថាយ។ កាកឧហទន្តិ កាកេហិ ករីសុស្សគ្គំ។ កទ្ទមមក្ខិតន្តិ កទ្ទមេន មក្ខិតំ។ កាយគតានេវ ហុត្វាតិ សម្ពន្ធោ។
Assāti gāthāya. Kākauhadanti kākehi karīsussaggaṃ. Kaddamamakkhitanti kaddamena makkhitaṃ. Kāyagatāneva hutvāti sambandho.
ហីតិ វិត្ថារោ។ អនរិយំ តំ ឥត្ថិំ វា តំ បុរិសំ វា ហនេយ្យាតិ យោជនា។ លិង្គបរិវត្តេន ហេតុភូតេន ឥត្ថិភូតំ, បុរិសភូតញ្ចាតិ សម្ពន្ធោ។ ឥត្ថិភូតន្តិ ច ឥត្ថី ហុត្វា ភូតំ, ឥត្ថិភាវំ វា បត្តំ។
Hīti vitthāro. Anariyaṃ taṃ itthiṃ vā taṃ purisaṃ vā haneyyāti yojanā. Liṅgaparivattena hetubhūtena itthibhūtaṃ, purisabhūtañcāti sambandho. Itthibhūtanti ca itthī hutvā bhūtaṃ, itthibhāvaṃ vā pattaṃ.
មិគសិង្គតាបសសីហកុមារាទីនំ តិរច្ឆានគតមាតាបិតរោ វិយាតិ យោជនា។ មិគសិង្គតាបសោតិ មិគសិង្គនាមកោ (ជា. អដ្ឋ. ៥.១៧.៩៦ អាទយោ) តាបសោ។ សីហកុមារោតិ សីហពាហុកុមារោ។ អាទិសទ្ទេន ភូរិទត្តាទយោ សង្គណ្ហាតិ។
Migasiṅgatāpasasīhakumārādīnaṃ tiracchānagatamātāpitaro viyāti yojanā. Migasiṅgatāpasoti migasiṅganāmako (jā. aṭṭha. 5.17.96 ādayo) tāpaso. Sīhakumāroti sīhabāhukumāro. Ādisaddena bhūridattādayo saṅgaṇhāti.
កុរុន្ទិយំ អាគតន្តិ សម្ពន្ធោ។
Kurundiyaṃ āgatanti sambandho.
‘‘សច្ចំ ភណន្តោតិ គាថាយា’’តិ បទំ ‘‘សច្ចំ ភាសតោ លហុកាបត្តិ ហោតី’’តិ ឯត្ថ ឥតិសទ្ទេន សម្ពន្ធិតព្ពំ។ ‘‘សច្ចំ ភណន្តោ’’តិ គាថាយ ឥតិ អត្ថោតិ យោជនា។
‘‘Saccaṃ bhaṇantoti gāthāyā’’ti padaṃ ‘‘saccaṃ bhāsato lahukāpatti hotī’’ti ettha itisaddena sambandhitabbaṃ. ‘‘Saccaṃ bhaṇanto’’ti gāthāya iti atthoti yojanā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ២. បារាជិកាទិបញ្ហា • 2. Pārājikādipañhā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / (២) បារាជិកាទិបញ្ហាវណ្ណនា • (2) Pārājikādipañhāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / បារាជិកាទិបញ្ហវណ្ណនា • Pārājikādipañhavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / បារាជិកាទិបញ្ហាវណ្ណនា • Pārājikādipañhāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / បារាជិកាទិបញ្ហាវណ្ណនា • Pārājikādipañhāvaṇṇanā
