| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
បារាជិកាទិអាបត្តិវណ្ណនា
Pārājikādiāpattivaṇṇanā
៣៣៩. ឥទន្តិ ‘‘បារាជិកន្តិ យំ វុត្ត’’ន្តិអាទិនា វុត្តំ វចនំ សន្ធាយ វទតិ។ ឥទញ្ហិ ហេដ្ឋា ‘‘គរុក លហុក’’ន្តិអាទិនា ឧទ្ធដបញ្ហេសុ អនាគតម្បិ ‘‘សព្ពានិបេតានិ វិយាករោហិ, ហន្ទ វាក្យំ សុណោម តេ’’តិ ឯត្ថ យថាវុត្តានិ អញ្ញានិបិ ‘‘សព្ពានិបេតានិ វិយាករោហិ, ហន្ទ វាក្យំ សុណោមា’’តិ ឯវំ គហិតមេវាតិ ទស្សេន្តោ ‘‘ឥមិនា បន អាយាចនវចនេន សង្គហិតស្សា’’តិអាទិ វុត្តំ។
339.Idanti ‘‘pārājikanti yaṃ vutta’’ntiādinā vuttaṃ vacanaṃ sandhāya vadati. Idañhi heṭṭhā ‘‘garuka lahuka’’ntiādinā uddhaṭapañhesu anāgatampi ‘‘sabbānipetāni viyākarohi, handa vākyaṃ suṇoma te’’ti ettha yathāvuttāni aññānipi ‘‘sabbānipetāni viyākarohi, handa vākyaṃ suṇomā’’ti evaṃ gahitamevāti dassento ‘‘iminā pana āyācanavacanena saṅgahitassā’’tiādi vuttaṃ.
អតិវស្សតីតិ ឱវស្សតិ, វស្សោទកំ បវិសតីតិ អត្ថោ។ ធម្មានន្តិ យថា ចតុបច្ចយេ ធារយតីតិ ធម្មោ, តេសំ។ តេនាហ ‘‘សង្ខតធម្មាន’’ន្តិ។ គាថាសង្គណិកន្តិ គាថាសង្គហោ, តេ តេ អត្ថា គាថាហិ សង្គហេត្វា គណីយន្តិ កថីយន្តិ ឯត្ថាតិ ហិ គាថាសង្គណិកំ។
Ativassatīti ovassati, vassodakaṃ pavisatīti attho. Dhammānanti yathā catupaccaye dhārayatīti dhammo, tesaṃ. Tenāha ‘‘saṅkhatadhammāna’’nti. Gāthāsaṅgaṇikanti gāthāsaṅgaho, te te atthā gāthāhi saṅgahetvā gaṇīyanti kathīyanti etthāti hi gāthāsaṅgaṇikaṃ.
បារាជិកាទិអាបត្តិវណ្ណនា និដ្ឋិតា។
Pārājikādiāpattivaṇṇanā niṭṭhitā.
បឋមគាថាសង្គណិកវណ្ណនានយោ និដ្ឋិតោ។
Paṭhamagāthāsaṅgaṇikavaṇṇanānayo niṭṭhito.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ៥. បារាជិកាទិអាបត្តិ • 5. Pārājikādiāpatti
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / បារាជិកាទិអាបត្តិវណ្ណនា • Pārājikādiāpattivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / អសាធារណាទិវណ្ណនា • Asādhāraṇādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / បារាជិកាទិអាបត្តិវណ្ណនា • Pārājikādiāpattivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / បារាជិកាទិអាបត្តិវណ្ណនា • Pārājikādiāpattivaṇṇanā
