| Library / Tipiṭaka / ติปิฎก • Tipiṭaka / ธมฺมปทปาฬิ • Dhammapadapāḷi |
๖. ปณฺฑิตวโคฺค
6. Paṇḍitavaggo
๗๖.
76.
นิธีนํว ปวตฺตารํ, ยํ ปเสฺส วชฺชทสฺสินํ;
Nidhīnaṃva pavattāraṃ, yaṃ passe vajjadassinaṃ;
นิคฺคยฺหวาทิํ เมธาวิํ, ตาทิสํ ปณฺฑิตํ ภเช;
Niggayhavādiṃ medhāviṃ, tādisaṃ paṇḍitaṃ bhaje;
ตาทิสํ ภชมานสฺส, เสโยฺย โหติ น ปาปิโยฯ
Tādisaṃ bhajamānassa, seyyo hoti na pāpiyo.
๗๗.
77.
โอวเทยฺยานุสาเสยฺย, อสพฺภา จ นิวารเย;
Ovadeyyānusāseyya, asabbhā ca nivāraye;
สตญฺหิ โส ปิโย โหติ, อสตํ โหติ อปฺปิโยฯ
Satañhi so piyo hoti, asataṃ hoti appiyo.
๗๘.
78.
น ภเช ปาปเก มิเตฺต, น ภเช ปุริสาธเม;
Na bhaje pāpake mitte, na bhaje purisādhame;
ภเชถ มิเตฺต กลฺยาเณ, ภเชถ ปุริสุตฺตเมฯ
Bhajetha mitte kalyāṇe, bhajetha purisuttame.
๗๙.
79.
ธมฺมปีติ สุขํ เสติ, วิปฺปสเนฺนน เจตสา;
Dhammapīti sukhaṃ seti, vippasannena cetasā;
อริยปฺปเวทิเต ธเมฺม, สทา รมติ ปณฺฑิโตฯ
Ariyappavedite dhamme, sadā ramati paṇḍito.
๘๐.
80.
อุทกญฺหิ นยนฺติ เนตฺติกา, อุสุการา นมยนฺติ 1 เตชนํ;
Udakañhi nayanti nettikā, usukārā namayanti 2 tejanaṃ;
ทารุํ นมยนฺติ ตจฺฉกา, อตฺตานํ ทมยนฺติ ปณฺฑิตาฯ
Dāruṃ namayanti tacchakā, attānaṃ damayanti paṇḍitā.
๘๑.
81.
เอวํ นินฺทาปสํสาสุ, น สมิญฺชนฺติ ปณฺฑิตาฯ
Evaṃ nindāpasaṃsāsu, na samiñjanti paṇḍitā.
๘๒.
82.
ยถาปิ รหโท คมฺภีโร, วิปฺปสโนฺน อนาวิโล;
Yathāpi rahado gambhīro, vippasanno anāvilo;
เอวํ ธมฺมานิ สุตฺวาน, วิปฺปสีทนฺติ ปณฺฑิตาฯ
Evaṃ dhammāni sutvāna, vippasīdanti paṇḍitā.
๘๓.
83.
สพฺพตฺถ เว สปฺปุริสา จชนฺติ, น กามกามา ลปยนฺติ สโนฺต;
Sabbattha ve sappurisā cajanti, na kāmakāmā lapayanti santo;
สุเขน ผุฎฺฐา อถ วา ทุเขน, น อุจฺจาวจํ 5 ปณฺฑิตา ทสฺสยนฺติฯ
Sukhena phuṭṭhā atha vā dukhena, na uccāvacaṃ 6 paṇḍitā dassayanti.
๘๔.
84.
น อตฺตเหตุ น ปรสฺส เหตุ, น ปุตฺตมิเจฺฉ น ธนํ น รฎฺฐํ;
Na attahetu na parassa hetu, na puttamicche na dhanaṃ na raṭṭhaṃ;
น อิเจฺฉยฺย 7 อธเมฺมน สมิทฺธิมตฺตโน, ส สีลวา ปญฺญวา ธมฺมิโก สิยาฯ
Na iccheyya 8 adhammena samiddhimattano, sa sīlavā paññavā dhammiko siyā.
๘๕.
85.
อปฺปกา เต มนุเสฺสสุ, เย ชนา ปารคามิโน;
Appakā te manussesu, ye janā pāragāmino;
อถายํ อิตรา ปชา, ตีรเมวานุธาวติฯ
Athāyaṃ itarā pajā, tīramevānudhāvati.
๘๖.
86.
เย จ โข สมฺมทกฺขาเต, ธเมฺม ธมฺมานุวตฺติโน;
Ye ca kho sammadakkhāte, dhamme dhammānuvattino;
เต ชนา ปารเมสฺสนฺติ, มจฺจุเธยฺยํ สุทุตฺตรํฯ
Te janā pāramessanti, maccudheyyaṃ suduttaraṃ.
๘๗.
87.
กณฺหํ ธมฺมํ วิปฺปหาย, สุกฺกํ ภาเวถ ปณฺฑิโต;
Kaṇhaṃ dhammaṃ vippahāya, sukkaṃ bhāvetha paṇḍito;
โอกา อโนกมาคมฺม, วิเวเก ยตฺถ ทูรมํฯ
Okā anokamāgamma, viveke yattha dūramaṃ.
๘๘.
88.
ตตฺราภิรติมิเจฺฉยฺย, หิตฺวา กาเม อกิญฺจโน;
Tatrābhiratimiccheyya, hitvā kāme akiñcano;
๘๙.
89.
เยสํ สโมฺพธิยเงฺคสุ, สมฺมา จิตฺตํ สุภาวิตํ;
Yesaṃ sambodhiyaṅgesu, sammā cittaṃ subhāvitaṃ;
อาทานปฎินิสฺสเคฺค, อนุปาทาย เย รตา;
Ādānapaṭinissagge, anupādāya ye ratā;
ขีณาสวา ชุติมโนฺต, เต โลเก ปรินิพฺพุตาฯ
Khīṇāsavā jutimanto, te loke parinibbutā.
ปณฺฑิตวโคฺค ฉโฎฺฐ นิฎฺฐิโตฯ
Paṇḍitavaggo chaṭṭho niṭṭhito.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ธมฺมปท-อฎฺฐกถา • Dhammapada-aṭṭhakathā / ๖. ปณฺฑิตวโคฺค • 6. Paṇḍitavaggo
