| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
១០. បញ្ចង្គុលិយត្ថេរអបទានំ
10. Pañcaṅguliyattheraapadānaṃ
៥០.
50.
‘‘តិស្សោ នាមាសិ ភគវា, លោកជេដ្ឋោ នរាសភោ;
‘‘Tisso nāmāsi bhagavā, lokajeṭṭho narāsabho;
បវិសតិ គន្ធកុដិំ, វិហារកុសលោ មុនិ។
Pavisati gandhakuṭiṃ, vihārakusalo muni.
៥១.
51.
‘‘សុគន្ធមាលមាទាយ, អគមាសិំ ជិនន្តិកំ;
‘‘Sugandhamālamādāya, agamāsiṃ jinantikaṃ;
អបសទ្ទោ ច សម្ពុទ្ធេ, បញ្ចង្គុលិមទាសហំ។
Apasaddo ca sambuddhe, pañcaṅgulimadāsahaṃ.
៥២.
52.
‘‘ទ្វេនវុតេ ឥតោ កប្បេ, យំ គន្ធមភិរោបយិំ;
‘‘Dvenavute ito kappe, yaṃ gandhamabhiropayiṃ;
៥៣.
53.
‘‘ទ្វេសត្តតិម្ហិតោ កប្បេ, រាជា អាសិំ សយម្បភោ;
‘‘Dvesattatimhito kappe, rājā āsiṃ sayampabho;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៥៤.
54.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បញ្ចង្គុលិយោ ថេរោ ឥមា គាថាយោ អភាសិត្ថាតិ;
Itthaṃ sudaṃ āyasmā pañcaṅguliyo thero imā gāthāyo abhāsitthāti;
បញ្ចង្គុលិយត្ថេរស្សាបទានំ ទសមំ។
Pañcaṅguliyattherassāpadānaṃ dasamaṃ.
សុបារិចរិយវគ្គោ សត្តរសមោ។
Supāricariyavaggo sattarasamo.
តស្សុទ្ទានំ –
Tassuddānaṃ –
សុបារិចរិ កណវេរី, ខជ្ជកោ ទេសបូជកោ;
Supāricari kaṇaverī, khajjako desapūjako;
កណិការោ សប្បិទទោ, យូថិកោ ទុស្សទាយកោ;
Kaṇikāro sappidado, yūthiko dussadāyako;
មាឡោ ច បញ្ចង្គុលិកោ, ចតុបញ្ញាស គាថកាតិ។
Māḷo ca pañcaṅguliko, catupaññāsa gāthakāti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១០. បញ្ចង្គុលិយត្ថេរអបទានវណ្ណនា • 10. Pañcaṅguliyattheraapadānavaṇṇanā
