| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៤. បហារសិក្ខាបទំ
4. Pahārasikkhāpadaṃ
៤៤៩. ចតុត្ថេ កស្មា ឆព្ពគ្គិយា សត្តរសវគ្គិយានំ បហារំ ទេន្តិ, ននុ អការណេន បហារំ ទេន្តីតិ អាហ ‘‘អាវុសោ’’តិអាទិ។ ឥមិនា យថា វទន្តិ, តថា អកតត្តា បហារំ ទេន្តីតិ ទស្សេតិ។
449. Catutthe kasmā chabbaggiyā sattarasavaggiyānaṃ pahāraṃ denti, nanu akāraṇena pahāraṃ dentīti āha ‘‘āvuso’’tiādi. Iminā yathā vadanti, tathā akatattā pahāraṃ dentīti dasseti.
៤៥១. សចេបីតិ ឯត្ថ បិសទ្ទេន សចេ អមរតិ, កា នាម កថា, បាចិត្តិយមេវាតិ ទស្សេតិ។ បហារេនាតិ បហារហេតុនា។ យថាតិ យេនាការេន។ អយន្តិ ភិក្ខុ។ ន វិរោចតីតិ ន សោភតិ។
451.Sacepīti ettha pisaddena sace amarati, kā nāma kathā, pācittiyamevāti dasseti. Pahārenāti pahārahetunā. Yathāti yenākārena. Ayanti bhikkhu. Na virocatīti na sobhati.
៤៥២. ‘‘អនុបសម្បន្នស្សា’’តិ ឯត្ថ អការស្ស អញ្ញត្ថំ ទស្សេតុំ វុត្តំ ‘‘គហដ្ឋស្ស វា’’តិអាទិ។ បព្ពជិតស្ស វាតិ បរិព្ពាជកស្ស វា សាមណេរស្ស វា។
452. ‘‘Anupasampannassā’’ti ettha akārassa aññatthaṃ dassetuṃ vuttaṃ ‘‘gahaṭṭhassa vā’’tiādi. Pabbajitassa vāti paribbājakassa vā sāmaṇerassa vā.
៤៥៣. ‘‘កេនចី’’តិ បទស្ស អត្ថំ ទស្សេតុំ វុត្តំ ‘‘មនុស្សេន វា’’តិអាទិ។ តតោតិ វិហេឋនតោ, ឥមិនា មោក្ខស្ស អបាទានំ ទស្សេតិ, ‘‘អត្តនោ’’តិ ឥមិនា សម្ពន្ធំ ទស្សេតិ។ ‘‘បត្ថយមានោ’’តិ ឥមិនា ‘‘អធិប្បាយោ’’តិ បទស្សត្ថំ ទស្សេតិ។ មុគ្គរេន វាតិ ចតុហត្ថទណ្ឌស្ស អទ្ធេន ទណ្ឌេន វា។ សោតិ ចោរាទិកោតិ។ ចតុត្ថំ។
453. ‘‘Kenacī’’ti padassa atthaṃ dassetuṃ vuttaṃ ‘‘manussena vā’’tiādi. Tatoti viheṭhanato, iminā mokkhassa apādānaṃ dasseti, ‘‘attano’’ti iminā sambandhaṃ dasseti. ‘‘Patthayamāno’’ti iminā ‘‘adhippāyo’’ti padassatthaṃ dasseti. Muggarena vāti catuhatthadaṇḍassa addhena daṇḍena vā. Soti corādikoti. Catutthaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៨. សហធម្មិកវគ្គោ • 8. Sahadhammikavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៤. បហារសិក្ខាបទវណ្ណនា • 4. Pahārasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៤. បហារសិក្ខាបទវណ្ណនា • 4. Pahārasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៤. បហារសិក្ខាបទវណ្ណនា • 4. Pahārasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៤. បហារសិក្ខាបទវណ្ណនា • 4. Pahārasikkhāpadavaṇṇanā
