| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
១០. បទុមបុប្ផិយត្ថេរអបទានំ
10. Padumapupphiyattheraapadānaṃ
៥១.
51.
‘‘បោក្ខរវនំ បវិដ្ឋោ, ភញ្ជន្តោ បទុមានិហំ;
‘‘Pokkharavanaṃ paviṭṭho, bhañjanto padumānihaṃ;
៥២.
52.
‘‘បទុមបុប្ផំ គហេត្វាន, អាកាសេ ឧក្ខិបិំ អហំ;
‘‘Padumapupphaṃ gahetvāna, ākāse ukkhipiṃ ahaṃ;
បាបកម្មំ សរិត្វាន, បព្ពជិំ អនគារិយំ។
Pāpakammaṃ saritvāna, pabbajiṃ anagāriyaṃ.
៥៣.
53.
‘‘បព្ពជិត្វាន កាយេន, មនសា សំវុតេន ច;
‘‘Pabbajitvāna kāyena, manasā saṃvutena ca;
វចីទុច្ចរិតំ ហិត្វា, អាជីវំ បរិសោធយិំ។
Vacīduccaritaṃ hitvā, ājīvaṃ parisodhayiṃ.
៥៤.
54.
‘‘ទ្វេនវុតេ ឥតោ កប្បេ, យំ បុប្ផមភិរោបយិំ;
‘‘Dvenavute ito kappe, yaṃ pupphamabhiropayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
៥៥.
55.
‘‘បទុមាភាសនាមា ច, អដ្ឋារស មហីបតី;
‘‘Padumābhāsanāmā ca, aṭṭhārasa mahīpatī;
អដ្ឋារសេសុ កប្បេសុ, អដ្ឋតាលីសមាសិសុំ។
Aṭṭhārasesu kappesu, aṭṭhatālīsamāsisuṃ.
៥៦.
56.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បទុមបុប្ផិយោ ថេរោ ឥមា គាថាយោ អភាសិត្ថាតិ;
Itthaṃ sudaṃ āyasmā padumapupphiyo thero imā gāthāyo abhāsitthāti;
បទុមបុប្ផិយត្ថេរស្សាបទានំ ទសមំ។
Padumapupphiyattherassāpadānaṃ dasamaṃ.
តិមិរវគ្គោ នវមោ។
Timiravaggo navamo.
តស្សុទ្ទានំ –
Tassuddānaṃ –
តិមិរនង្គលីបុប្ផ, និប្បន្នញ្ជលិកោ អធោ;
Timiranaṅgalīpuppha, nippannañjaliko adho;
ទ្វេ រំសិសញ្ញី ផលទោ, សទ្ទសញ្ញី ច សេចកោ;
Dve raṃsisaññī phalado, saddasaññī ca secako;
បទ្មបុប្ផី ច គាថាយោ, ឆប្បញ្ញាស បកិត្តិតា។
Padmapupphī ca gāthāyo, chappaññāsa pakittitā.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១០. បទុមបុប្ផិយត្ថេរអបទានវណ្ណនា • 10. Padumapupphiyattheraapadānavaṇṇanā
