| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៦. បទុមច្ឆទនិយត្ថេរអបទានំ
6. Padumacchadaniyattheraapadānaṃ
៨៣.
83.
‘‘និព្ពុតេ លោកនាថម្ហិ, វិបស្សិម្ហគ្គបុគ្គលេ;
‘‘Nibbute lokanāthamhi, vipassimhaggapuggale;
សុផុល្លបទុមំ គយ្ហ, ចិតមារោបយិំ អហំ។
Suphullapadumaṃ gayha, citamāropayiṃ ahaṃ.
៨៤.
84.
‘‘អារោបិតេ ច ចិតកេ, វេហាសំ នភមុគ្គមិ;
‘‘Āropite ca citake, vehāsaṃ nabhamuggami;
៨៥.
85.
‘‘ឯកនវុតិតោ កប្បេ, យំ បុប្ផមភិរោបយិំ;
‘‘Ekanavutito kappe, yaṃ pupphamabhiropayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
៨៦.
86.
‘‘សត្តតាលីសិតោ កប្បេ, បទុមិស្សរនាមកោ;
‘‘Sattatālīsito kappe, padumissaranāmako;
ចាតុរន្តោ វិជិតាវី, ចក្កវត្តី មហព្ពលោ។
Cāturanto vijitāvī, cakkavattī mahabbalo.
៨៧.
87.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បទុមច្ឆទនិយោ ថេរោ ឥមា គាថាយោ អភាសិត្ថាតិ;
Itthaṃ sudaṃ āyasmā padumacchadaniyo thero imā gāthāyo abhāsitthāti;
បទុមច្ឆទនិយត្ថេរស្សាបទានំ ឆដ្ឋំ។
Padumacchadaniyattherassāpadānaṃ chaṭṭhaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៦. បទុមច្ឆទនិយត្ថេរអបទានវណ្ណនា • 6. Padumacchadaniyattheraapadānavaṇṇanā
