| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៤. បទបូជកត្ថេរអបទានំ
4. Padapūjakattheraapadānaṃ
១៩.
19.
‘‘សិទ្ធត្ថស្ស ភគវតោ, ជាតិបុប្ផមទាសហំ;
‘‘Siddhatthassa bhagavato, jātipupphamadāsahaṃ;
បាទេសុ សត្ត បុប្ផានិ, ហាសេនោកិរិតានិ មេ។
Pādesu satta pupphāni, hāsenokiritāni me.
២០.
20.
‘‘តេន កម្មេនហំ អជ្ជ, អភិភោមិ នរាមរេ;
‘‘Tena kammenahaṃ ajja, abhibhomi narāmare;
ធារេមិ អន្តិមំ ទេហំ, សម្មាសម្ពុទ្ធសាសនេ។
Dhāremi antimaṃ dehaṃ, sammāsambuddhasāsane.
២១.
21.
‘‘ចតុន្នវុតិតោ កប្បេ, យំ បុប្ផមភិរោបយិំ;
‘‘Catunnavutito kappe, yaṃ pupphamabhiropayiṃ;
ទុគ្គតិំ នាភិជានាមិ, បុប្ផបូជាយិទំ ផលំ។
Duggatiṃ nābhijānāmi, pupphapūjāyidaṃ phalaṃ.
២២.
22.
‘‘សមន្តគន្ធនាមាសុំ, តេរស ចក្កវត្តិនោ;
‘‘Samantagandhanāmāsuṃ, terasa cakkavattino;
ឥតោ បញ្ចមកេ កប្បេ, ចាតុរន្តា ជនាធិបា។
Ito pañcamake kappe, cāturantā janādhipā.
២៣.
23.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បទបូជកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā padapūjako thero imā gāthāyo abhāsitthāti.
បទបូជកត្ថេរស្សាបទានំ ចតុត្ថំ។
Padapūjakattherassāpadānaṃ catutthaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៥. មុដ្ឋិបុប្ផិយត្ថេរអបទានវណ្ណនា • 5. Muṭṭhipupphiyattheraapadānavaṇṇanā
